So'nggi o'yinlarda mag'lubiyatlar "girdobi"ga tushib qolgan "Neftchi" o'z maydonida "Olimpik"ni qabul qilsa, "Metallurg" Toshkentga "Bunyodkor" maydoniga safar uyushtiradi. Boshlanajak tur oldidan mutaxassis fikriga quloq tutish maqsadida sobiq futbolchi Abdumajid Toirovga yuzlandik.

- Farg'ona shahri klubi yaxshi tarkibga ega va jadvaldagi hozirgi egallab turgan o'rni vaqtinchalik. Jamoaga qandaydir hamjihatlik etishmayotgandek. Balki sababi ichki muhitdadir. "Olimpik" bilan o'yinda g'alaba qozonish uchun mahoratning o'zi kamlik qiladi. Taktik jihatdan ideal o'yin ko'rsatish kerak. Chunki Timur Kapadzening jamoasi tezkor o'yin namoyish qiladi. Taktik jihatdan ancha raqiblarni qiynab qo'ymoqda. Bugun yaxshi va sifatli futbol ko'ramiz. Taxminimcha, o'yin durang natija bilan yakunlanadi.

- "Bunyodkor" jamoasi bugungi kunda o'yin tomondan ham, jadvalda ham "Metallurg"dan oldinda hisoblanadi. Bahs Toshkentda bo'lishini ham inobatga olsak maydon egalari g'alaba qozonishini taxmin qilishim mumkin.

- Mazkur to'qnashuvda "Qizilqum" nominal mezbon bo'lishiga qaramay Olmaliqda to'p tepadi. Demak o'z-o'zidan ustunlik AGMK tomonida. O'yin tomonlama ham Mirjalol Qosimov shogirdlari raqibidan bir bosh balandroq. AGMK avvalgi turda o'z maydonida "So'g'diyona"ni engdi. "Paxtakor"ga munosib qarshilik ko'rsatib haqli bir ochko ishladi.

- "Temiryo'lchilar" oxirgi ikki o'yindagi g'alabadan so'ng ayni paytda yaxshi kayfiyatda. Fikrimcha, "Qo'qon-1912" bilan bahsda g'alabali seriyasini davom ettiradi. Bir narsani aytish joiz, Baxtiyor Ashurmatov boshchilik qilayotgan jamoa osonlikcha yutqazmaydi. Ular "Nasaf", "Surxon"ga qarshi sifatli futbol ko'rsatdi. Faqat omad etishmayapti.

- Samarqandliklar so'nggi ikki uchrashuvda durang natija qayd etdi. Bu safargi raqib esa - "Navbahor". Qaysidir manoda "Dinamo"ga oxirgi uchrashuvlardagi taktikasi ish berishi mumkin. Biroq o'z muxlislari oldida baribir hujum qilishi kerak bo'ladi. Bunga "Navbahor" imkon berarmikan? Nima bo'lganda ham stadionga kelgan muxlislar ajoyib futbol guvohiga aylanishadi. Yakunda "Navbahor" g'alabada qozonadi, deb o'ylayman.

- Bu o'yinda ustunlik "Paxtakor"da. "Surxon" kuchli iroda, to'g'ri tanlangan taktika va jamoaviy birlik evaziga "sherlar"dan ochko olishi mumkin.

- Turning markaziy o'yini. Ikki xil uslubdagi jamoalar to'qnashuvi. "So'g'diyona"ning tezkor qarshi hujumlar, vertikal futbol, himoyadagi aqlli harakatlar va sabr bilan vaziyatni kutish ustiga qurilgan. "Nasaf" esa to'pni nazorat qiladi, maydonda birinchi raqamli jamoaga aylanadi. Ularda pozicion hujumlar va o'ylangan paslar bor. Ikki jamoaga ham omad va tomoshabob futbol ko'rsatishni tilab qolaman.

"Olimpik" bilan o'yinda mahoratning o'zi kamlik qiladi - Superliga 8-tur oldidan mutaxassis fikri yoxud "Neftchi"ga nima etishmayapti?