"ОФК Чемпионлар лигаси-2024/25 йилги мавсум мусобақалари регламентининг 5.2-бандига мувофиқ, Хитойнинг "Шандун Тайшан" футбол клуби лига (Шарқ) босқичи доирасидаги "Улсан ХД"га қарши ўйинда иштирок этишдан бош тортгани сабаб турнирдан чиқарилган деб ҳисобланади", — дейилади конфедерация хабарида.
Клуб футболчиларнинг соғлигидаги муаммолар сабаб ўйин учун қайдномани шакллантира олмаганини маълум қилди.
"Шандун Тайшан" илк етти ўйинда 10 очко жамғарган ва жамоанинг плей-оффга чиқиши учун "Ульсан" билан дуранг ҳам етарли бўлар эди.
