Kun tartibiga ko'ra, o'tgan mavsum yakunlari va yangi mavsum rejalari ko'rib chiqildi, klublarning faoliyati, ifratuzilmasi va moliyaviy hisobotlari aniq raqamlar asosida tahlil qilindi.

Mablag'larni klublar rivoji uchun maqsadli sarflash, legionarlarni jalb qilishda ularning darajasini tahlil qilish, akademiya, ayollar futboli, futzal va infratuzilmaga etibor qaratish borasida talablar qo'yildi. Hakamlarning halol ishlashi, hakamlik sifatini oshirish, VAR tizimini takomillashtirishga etibor qaratildi. Kelishilgan o'yinlarga qarshi keskin va ayovsiz kurash jadallik bilan davom ettirilishi malum qilindi.

Masullarga transferlar jarayonini nazorat qilish zarurligi takidlandi. Yosh futbolchilarga ko'proq o'yin amaliyoti berish va ularning klubda tajribasini oshirib borish muhimligi aytildi.

"Biz U-20, U-23 Osiyo chempionatlari kabi nufuzli turnirlarga mezbonlik qilmaganimizda bir qator yosh futbolchilarimiz kuchli ligalarga, katta klublarga transfer qilinmagan bo'lardi. Klublarda ham istedodlarga muntazam ishonch bildirish zarur. Ularda ishtiyoq va intilish yuqori darajada", – dedi Abdusalom Abdumavlonovich.

Yig'ilishda O'FA rahbariyati tomonidan klublardagi mavjud muammolar tinglandi. Ushbu muammolar echimida jamoalarga kerakli yordam ko'rsatilishi malum qilindi. Klublar terma jamoalar bilan hamjihat ishlagan holda, istedodli futbolchilarni tarbiyalashi ustuvor vazifa etib belgilandi.

O'FA rahbariyati futbol klublari masullari bilan ko'rishdi