Унга кўра, "Барселона"дан миллионлаб евро олганликда айбланаётган собиқ мулозим соғлиғи туфайли ўзини ҳимоя қила олмайдиган ҳолатга келиб қолган.
Вазиятнинг асосий тафсилотлари:
Негрейранинг ҳимоячиси Даниэль Перес-Эске мижозида "ўртача деменция" (ақли заифлик) бошланганини ва когнитив қобилиятлари ёмонлашганини даъво қилмоқда.
Халқаро Альцгеймер маркази (ACE фонди) ҳисоботига кўра, Негрейранинг ҳолати Рейсберг шкаласи бўйича 5-даражага етган. Бу эса инсоннинг ўз ҳаракатларига жавоб беришини қийинлаштиради.
Агар суд экспертизаси буни тасдиқласа, Негрейра жиноий жавобгарликдан озод этилиши ёки ишдан четлатилиши мумкин.
Эслатиб ўтамиз, Негрейра 2001 йилдан 2018 йилгача "Барселона" клубидан жами 7 миллион евродан ортиқ маблағ олганликда айбланмоқда. Ушбу иш доирасида клубнинг собиқ президентлари Сандро Росель ва Жозеп Бартомеу ҳам тергов қилинмоқда.
2023 йилдаги текширувда ҳакамнинг ҳолати қониқарли деб топилган эди, бироқ эндиликда ҳимоя томони унинг аҳволи кескин ёмонлашганини таъкидламоқда.
