Mazkur uchrashuvga doir qiziqarli malumotlar bilan tanishing.

Chorak finalga qadar bosib o'tilgan yo'l

“Qo'qon-1912” jamoasi kubokdagi ishtirokini 1/16 finalda boshlagan. Shu bosqichda vakillarimiz mehmonda Termizning “Surxon” jamoasini 2:0 hisobida dog'da qoldirishdi. Nimchorak finalda esa ikki o'yin natijasiga ko'ra, “Metallurg”dan ustun keldik. Qo'qonda bahsda 2:0 hisobi qayd etilgan bo'lsa, Bekobodda mezbonlar 3:2 hisobida g'alaba qozonishdi.

“Nasaf” bu yilgi kubok bahslarining nimchorak finalida “Paxtakor”ni umumiy 4:0 hisobida mag'lub etib, chorak finalga etib keldi.

Kubok bahslaridagi uchinchi to'qnashuv
Ushbu jamoa kubok doirasidagi ikki marta ro'baro' kelishgan.

2001/2002 yilgi O'zbekiston Kubogi bahslarining aynan chorak finalida mazkur jamoalar tuqnash kelishgan. Dastlab Qo'qonda bo'lib o'tgan uchrashuvda maydon egalari kichik 1:0 hisobida usutun kelishgan. Qarshida bo'lib o'tgan javob uchrashuvida esa “Nasaf” 5:1 hisobida g'alaba qozongan va yarim final yo'llanmasini qo'lga kiritgan.
Oradan 15 yil o'tib, mazkur jamoalar yana kubokning chorak finalida kuch sinashishadi.

Uchrashuv hakamlari
Ushbu uchrashuvni buxorolik hakamlar brigadasi boshqarib boradi. Bahsda Ilgiz Tantashev bosh hakamlik qiladi. Unga qanotlarda Xusniddin Shodmonov va Abdurahmon Qo'ldoshevlar yordam berishadi. Zaxira hakami sifatida Elyor Tursunov ishlaydi. Uchrashuvda hakamlar ishini Aleksandr Popov nazorat qiladi, Toshkent shahridan.

O'zbekiston Kubogi
Chorak final
Dastlabki uchrashuvi
“Nasaf” (Qarshi) – “Qo'qon-1912” (Qo'qon)
Bosh hakam: Ilgiz Tantashev (Buxoro)
Qanot hakamlari: Xusniddin Shodmonov, Abdurahmon Qo'ldoshev (Buxoro)
Zaxira hakami: Elyor Tursunov (Buxoro)
Nazoratchi: Aleksandr Popov (Toshkent)

Boshlanish vaqtlari
Bugun futbol ishqibozlarini “Markaziy” stadionda ajoyib tadbirlar va qiziqarli uchrashuv kutib turibdi. Shu kuni “Nasaf” bu yilgi chempionatda ilk marta o'z maydonida va muxlislari qarshisida to'p tepadi.

“Markaziy” stadionning ochilish marosimiga bag'ishlangan koncert va rasmiy tadbirlar soat 18:00dan boshlanadi. Futbol uchrashuvi esa 19:30da boshlanadi.

“Nasaf” – “Qo'qon-1912” uchrashuviga oid malumotlar