Qo'qonda bo'lib o'tadigan vodiy derbisi - "Qo'qon-1912" - "Andijon" uchrashuvini toshkentlik Baxtiyor Namozov boshqarib boradi. 2015 yil oliy ligada 17ta bellashuvni boshqargan Namozov mazkur juftlikning Andijondagi bahsida ham ishlagan. O'sha o'yinda mehmonlar g'alaba nashidasini surgan - 1:2. Bundan tashqari, "Andijon" - "Bunyodkor" uchrashuvida ham bosh hakamlik Namozovga ishonib topshirilgan va mazkur bahsda ham mehmon jamoa g'olib chiqqan - 0:2.

2015 yil. Baxtiyor Namozov boshqargan o'yinlar
"Qo'qon-1912" ishtirokidagi uchrashuv
ANDIJON - QO'QON-1912 - 1:2

"Andijon" ishtirokidagi uchrashuvlar
ANDIJON - QO'QON-1912 - 1:2
ANDIJON - BUNYODKOR - 0:2

2016 yil. Oliy liga. 3-tur
QO'QON-1912 - ANDIJON
Bosh hakam: Baxtiyor Namozov (Toshkent).
Qanot hakamlari: Rasuljon Fozilov (Namangan), Mo'min Majidov (Namangan).
Zaxiradagi hakam: Igor Gormashov (Toshkent).
Nazoratchi: G'ayrat Karimov (Toshkent).
O'zPFL vakili: Roman Chernikov.

Turning yana bir uchrashuvida "Qizilqum" - "Olmaliq" jamoalari to'qnash kelishadi. Mazkur o'yinni boshqarish toshkentlik Olim Tolibjonov zimmasiga yuklatilgan. O'tgan mavsum Olmaliqda "Olmaliq" - "Andijon" o'yinini aynan Tolibjonov boshqargan va o'sha bahsda mezbonlar 3:2 hisobida g'alaba nashidasini surgan. "Qizilqum" esa, Tolibjonov bosh hakamlik qilgan ikki bellashuvning birida safarda "Bunyodkor"ga (2:1) yutqazgan bo'lsa, ikkinchisida "Metallurg"ni qabul qilib, durang o'ynagan - 1:1.

2015 yil. Olim Tolibjonov boshqargan o'yinlar
"Qizilqum" ishtirokidagi uchrashuvlar
BUNYODKOR - QIZILQUM - 2:1
QIZILQUM - METALLURG - 1:1

"Olmaliq" ishtirokidagi uchrashuv
OLMALIQ - ANDIJON - 3:2

2016 yil. Oliy liga. 3-tur
QIZILQUM - OLMALIQ
Bosh hakam: Olim Tolibjonov (Toshkent).
Qanot hakamlari: Alisher Usmonov (Toshkent), Nabi Ro'zimov (Namangan).
Zaxiradagi hakam: SH.Rajabov (Buxoro).
Nazoratchi: Arslon Hotamov (Toshkent).
O'zPFL vakili: Ahrol Inoyatov.

Hozircha mag'lubiyat neligini bilmay kelayotgan "Metallurg" mazkur turda "Sho'rtan"ni qabul qiladi. Ushbu o'yinni boshqarish Aziz Asimovga yuklatilgan. 2015 yilgi mavsumda oliy liganing 12ta uchrashuvida bosh hakamlik qilgan Asimovga mazkur juftlikdagi raqiblarning o'yinini boshqarish nasib qilmagan.

2015 yil. Aziz Asimov boshqargan o'yinlar
"Qizilqum" ishtirokidagi uchrashuvlar
Yo'q

"Olmaliq" ishtirokidagi uchrashuvlar
Yo'q

2016 yil. Oliy liga. 3-tur
METALLURG - SHO'RTAN
Bosh hakam: Aziz Asimov (Toshkent).
Qanot hakamlari: Temur Galeev (Toshkent), A.Po'latov (Namangan).
Zaxiradagi hakam: Igor Xudoydatov (Toshkent).
Nazoratchi: Farhod Abdullaev (Toshkent).
O'zPFL vakili: Valeriy Lyotkin.

Qiziqarli kechishi kutilayotgan "Navbahor" - "So'g'diyona" jamoalari o'rtasidagi uchrashuv Hasan Ro'zievga ishonib topshirilgan. 2015 yil oliy ligada 15ta o'yinda ishlagan Ro'ziev bugungi juftlikdagi raqiblarning ishtirokidagi bahslarda ham bosh hakamlik qilgan. Xususan, "So'g'diyona" Hasan Ro'ziev hakamlik qilgan uchta uchrashuvning bittasida g'alaba ("Olmaliq" - 1:0) qozongan bo'lsa, ikkitasida mag'lubiyatga ("Qizilqum" - 1:4, "Andijon" - 1:2) uchragan. "Navbahor" esa, o'z uyida "Nasaf" bilan durang o'ynagan - 1:1.

2015 yil. Hasan Ro'ziev boshqargan o'yinlar
"Navbahor" ishtirokidagi uchrashuv
NAVBAHOR - NASAF - 1:1

"So'g'diyona" ishtirokidagi uchrashuvlar
QIZILQUM - SO'G'DIYONA - 4:1
SO'G'DIYONA - ANDIJON - 1:2
SO'G'DIYONA - OLMALIQ - 1:0

2016 yil. Oliy liga. 3-tur
NAVBAHOR - SO'G'DIYONA
Bosh hakam: Hasan Ro'ziev (Toshkent).
Qanot hakamlari: Olim Abduvosilov (Toshkent), Sanjar Shoyusupov (Toshkent).
Zaxiradagi hakam: Akmal Rahimov (Andijon).
Nazoratchi: Sayfiddin Ermatov (Toshkent).
O'zPFL vakili: Noil Lutfullin.

Furqatbek Nishonov

Namozov o'tgan yil ham "Andijon" va "Qo'qon-1912" o'rtasidagi o'yinda ishlagan