Futbol va sport jamoatchiligiga yaxshi tanish, ammo OAVdan chetda yuradigan va o'quvchilarga notanish kishi haqida mana bugun xabar bersak bo'ladi.

2013 yil Mirabror Zufarovich MOQ raisi etib tayinlangach, ikkilanmay u erga bosh kotib etib, hali 33 yoshni ham qarshi olmagan, unga qadar Toshkent shahar futbol federaciyasida Vice prezident lavozimida ishlab kelayotgan Oybek Kasimovni tayinladi. Bu yoshda, bunday katta dargohga bosh kotib bo'lish uchun kishida juda katta istedod va salohiyat bo'lishi lozim. Usmonov mana shu ikki xislatni Kasimovda ko'ra oldi va Rioda bo'lib o'tgan olimpiada o'yinlarida qayd etilgan natijadan kelib chiqsak, 2013 yilgi qaror to'g'ri bo'lganini ko'rasiz.

To'rt yillikning muhim musobaqasida, juda ko'plab vatandoshlarimizni ko'ziga yosh olishiga sabab bo'lgan qator oltinlarni qo'lga kiritishimizda, bugungi kun "aybdori"ning ham xissasi katta. Delegaciya rahbari sifatida O'zbekistonga rekord darajadagi, 4ta oltin medal bilan qaytgan Oybek Kasimov uchun avgust oyi futbol tilida aytganda "xet trik" bilan tugadi. Riodagi muvaffaqiyat, yurtboshimiz tomonidan berilgan "Do'stlik" ordeni va bugungi ayyom!

Sportimiz mana shunday mutaxassislar qo'l ostida yanada ko'plab yutuqlarga erishishini tilaymiz va saytimiz hamda uning o'quvchilari nomidan Oybek Kasimovga uzoq umr tilaymiz!

Nodirxo'ja Yuldashev.

MOQ bosh kotibi, Oybek Kasimovni tabriklaymiz!