"Qaldirg'ochlar" safiga endi qo'shilgan Serbiyalik futbolchi Milan Marchich yangi klubi haqida o'z fikrlari bilan bo'lishdi.

- "Bunyodkor" jamoasiga xush kelibsiz, Milan. Yangi klubga ko'nikish jarayoni qanday kechmoqda? Yangi davlat, yangi shahar... O'zingizni qanday his qilmoqdasiz?

- Birinchi navbatda barchaga salom. Men Milan Marchichman. Men O'zbekistonning eng katta klublaridan birida o'ynash imkoniyatiga ega bo'lganimdan juda xursandman. Men bu erda kelganimdan juda baxtliman. Jamoa juda inoq ekan.

- Mavsum so'ngiga kadar asosiy maqsadingiz nima?

- Men bu erda o'zimni yaxshi tomonlama ko'rsatishni maqsad qilganman va jamoamga maksimal tarzda yordam berishga harakat qilaman.

- "Bunyodkor"ga kelishingizdan avval, ushbu klub haqida bilarmidingiz?

- To'g'risi yo'q, avval ushbu klub haqida eshitmaganman va bilmaganman, lekin hozir ko'p narsalarni bilib oldim.

- Serbiya chempionatida to'p tepgansiz. "Bunyodkor" klubi faoliyatingizdagi eng katta klubmi?

- Shubhasiz, "Bunyodkor" jamoasi faoliyatimdagi eng katta klub va ushbu klubda katta natijalar qayd etishga harakat qilaman. "Bunyodkor" klubi faoliyatimdagi "tramplin" bo'lishi mumkin. "Bunyodkor" klubining infratuzilmasi ham ajoyib darajada. "Bunyodkor" stadioni esa O'zbekistondagi eng zo'r stadionlardan biri.

- O'zbekiston va Serbiyalik futbolchilar o'rtasidagi farq nimada deb o'ylaysiz?

- O'zbekistonlik futbolchilar ancha tezroq.

Abdulvosit Bektemirov suhbatlashdi

Milan Marchich: "O'zbekistonning eng katta klublaridan birida o'ynash imkoniyatiga ega bo'lganimdan juda xursandman"