Belgiyalik mutaxassis o'z intervyusida Erondagi dastlabki kunlari qanday kechgani hamda terma jamoa haqida gapirib berdi.

- "Eronda iqtidorlar juda ko'p ekan. Masalan, terma jamoa darvozaboni Alirizo Beyranvand Evropaning istalgan klubida o'ynab keta oladi. Bizda shuningdek 18 yoshli hujumchi ham bor. U - Olloyor Sayyadmanesh, yaqinda "Fenerbahche" bilan shartnoma tuzdi. Bu futbolchi 2017 yil FIFA U-17 jahon chempionatida Germaniya darvozasiga ikkita to'p kiritgandi. Suriyaga qarshi o'rtoqlik uchrashuvida Olloyor zaxiradan tushib shu zahoti gol urdi".

- "Lekin baribir savol tug'ilyapti: bizning o'yin uslubimiz qanday ko'rinishda bo'ladi? Albatta, sen uchta mashg'ulotda hech narsani o'zgartira olmaysan. Lekin shuni aytishim mumkin, Eron hujumkor futbol ko'rsatishdan qo'rqmaydi. Janubiy Koreyaga qarshi o'rtoqlik uchrashuvida biz 16 marta xavfli vaziyat yaratdik. Yoshlar sekin-asta jamoa o'yiniga moslashib bormoqda".

- "Menga yangi davlatlarni kashf qilish yoqadi. Eron juda tinch mamlakat ekan. Shu paytgacha Evropa va Afrikada ishladim, endi Osiyoda o'zimni ko'rsatmoqchiman. Menga Tehron yoqdi, hammayoqda gullar. Terma jamoa mashg'ulot bazasi tog' yonbag'rida joylashgan. Bu juda zo'r".

- "To'g'risi, siyosat haqida gapirishni yoqtirmayman. Erondagi siyosiy vaziyatni muhokama qilmoqchi emasman ham. Men murabbiyman, yaxshisi futbol haqida gaplashamiz. Faqat shuni aytishim mumkin, Eronda odamlar Evropadagi bazi joylarga qaraganda ancha tinch yashaydilar" - deya aytib o'tdi Mark Vilmots.

Mark Vilmots: "Eron hujumkor futbol ko'rsatishdan qo'rqmaydi"