24 futbolchidan iborat tarkibdan "Real Madrid"ning birorta vakili yo'q, jumladan Serxio Ramos ham.

Qaydnomadagi futbolchilar soni haqida
"Biz 26 o'yinchini chaqirishimiz mumkin edi, lekin 24 nafar bilan cheklanishga qaror qildik. Biz har bir futbolchi jamoaga yordam bera olishi, istalgan daqiqada maydonga tushishi mumkinligini his qilishini istaymiz".

Ramos haqida
"Serxio Ramos haqida alohida to'xtalib o'tishni istardim. Shubhasiz, u yanvardan buyon maydondan tashqarida qolmoqda, shuning uchun optimal sport formasida emas. Bu og'ir qaror edi, kecha men bu haqida Serxioga ham malum qildim.

Bu yoqimsiz holat. Ramos doim yuqori saviyada harakat qilgan va jamoa etakchisi edi, lekin biz uchun jamoa manfaati muhimroq va hozir eng to'g'ri qaror qabul qilindi deb o'ylayman".

Nacho haqida
"Albatta, shubhasiz, u yuqori saviyada to'p tepdi. Ammo men 24 futbolchini chaqirishni istadim, bu mening qarorim. Yana 3-4 futbolchi bor, ular ham termadan chaqiruv olishga loyiqlar, lekin doim ham istaklarimiz imkoniyatlarimizga to'g'ri kelmaydi.

Qaydnomada "Real" futbolchilari yo'qligi haqida
"Agar Karvaxal va Ramos sog'lig'i bilan muammolar bo'lmaganida, tarkibdan joy olardi. Tushunaman, har bir klub futbolchilari termada to'p tepishini xohlaydi, lekin bazi jamoalar tig'iz taqvim sabab o'yinchilari terma o'yinlarini o'tkazib yuborishini so'raydi. Ularga jarohat to'sqinlik qildi, boshqa hech bir sabab yo'q, – dedi murabbiy.

Luis Enrike: "Ramos va Karvaxal jarohat sabab yo'q. Nachoga esa joy topilmadi"