Ketma-ket uch yil (2016, 2017, 2018) chempionlikni qo'lga kiritgan "temiryo'lchilar" bu safar kumush medallar bilan cheklanishdi. Quyida Superliga-2019 raqamlariga to'xtalib o'tamiz.

- Superligada 26ta o'yin o'tkazgan "Loko" shundan 13tasida zafar quchib, 10 marta durang o'ynadi va 3ta bellashuvda imkoniyatni boy berdi. To'plar farqi 40-17 ko'rinish oldi. Jamoamiz joriy chempionatda 49 ochko to'pladi.

- "Lokomotiv" mavsumni ikki murabbiy qo'l ostida o'tkazdi. 1-12 turlar Andrey Fyodorov boshchiligida o'tgan bo'lsa, 13-turdan boshlab chempionat oxirigacha Samvel Babayan asosiy jamoaga ustozlik qildi.

- Andrey Fyodorov "Loko" bilan bu mavsum Superligada 7ta g'alabaga erishdi. Uchta durang qayd etib, ikki o'yinda imkoniyat boy berildi. Safarda "Dinamo" bilan kechgan bahsdan so'ng Fyodorov o'z lavozimini tark etdi.

- Samvel Babayan qo'l ostida 14ta o'yin o'tkazgan "temiryo'lchilar" shundan 6tasida g'alabaga erishib, 7 bor durang o'ynashdi va faqat bitta bahsda mag'lubiyatga uchraldi.

- "Lokomotiv" bu yil 4ta jamoani ham uyda, ham safarda mag'lub etishning uddasidan chiqdi. Bular - "Nasaf", "Navbahor", "Andijon" va "Buxoro". Qizig'i shundaki, "temiryo'lchilar" mana shu jamoalardan umuman gol o'tkazishmadi.

- "Loko" 2-turdan boshlab 6-turgacha qatorasiga 5ta o'yinda zafar quchdi. Navbati bilan "Navbahor" (1:0), "Andijon" (4:0), AGMK (2:1), "Buxoro" (2:0) va "Qizilqum" (3:1) klublari mag'lub etildi.

- Bu yil 18-21 turlar oralig'ida ketma-ket 4ta durang kuzatildi. Safarda "Bunyodkor", "Qo'qon-1912", "Qizilqum" va uyda "Metallurg" bilan kechgan bahslarning hammasi 1:1 hisobida yakun topdi.

- Superliga-2019da "Loko" safida eng ko'p o'yin o'tkazgan futbolchilar Anzur Ismilov bilan Jamshid Iskanderov bo'lishdi. Anzur Ismoilov 26ta turning barchasini almashtirishsiz o'tkazdi. Iskanderov ham 26ta o'yinda maydonga tushdi, biroq maydonda harakat qilgan daqiqalari biroz kamroq bo'ldi.

- "Lokomotiv" tarkibida eng ko'p gol urgan futbolchi Temurxo'ja Abduxoliqov bo'ldi. Temurxo'ja ushbu mavsum o'z hisobiga Superligada 11ta gol yozib qo'ydi.

- "Loko" to'purarlari poygasida Jamshid Iskanderov 6ta gol bilan ikkinchi, Islom To'xtaxo'jaev va Arslanmirat Amanov 4tadan gol bilan uchinchi bo'lishdi.

- "Lokomotiv" ushbu mavsum 26 nafar futbolchi xizmatidan foydalandi. Jamoamiz tarkibida to'p tepgan legionerlardan eng ko'p o'yin o'tkazgan Yovan Jokich bo'ldi. U Superliganing 24 uchrashuvida maydonga tushdi. Arslanmirat Amanov 23, Igor Yelich 13, Medina Smit 10, shuningdek birinchi davrada o'ynagan Filip Rayevac 9ta bahsda maydonga tushishdi.

- Bu yil eng ko'p sariq kartochka olgan futbolchi Davron Hoshimov bo'ldi. U 7 bor hakamlar tomonidan ogohlantirildi. Qizil kartochka faqat bir marta kuzatildi. Safarda "Metallurg"ga qarshi bahsda Husniddin G'ofurov qizil kartochka olib birinchi taymdayoq maydonni tark etdi.

"Lokomotiv"dan Superliga-2019 yakunlari. Kim qancha o'ynadi?