Unda Toshkent viloyatining "Rubin" va "Lokomotiv BFK" jamoalari o'zaro to'qnash kelishdi. Murosasiz kechgan uchrashuvda "Rubin" penaltilar seriyasida 4:2 hisobida g'alaba qozondi. Ushbu uchrashuvdan so'ng g'olib jamoa tarkibida maydonga tushgan nomdor va tajribali darvozabon Asilbek Amonov fikrlari bilan o'rtoqlashdi.

"Birinchi ligada to'p tepaman, deb o'ylamagandim. To'g'risini aytsam, legionerga aylanishga yaqin edim. Xorij jamoasi bilan shartnomalarni ham kelishib qo'ygandik. Lekin bir necha kun qolganda O'zbekistondan chiqib keta olmadim. Shundan so'ng Pro liga jamoalaridan biriga o'tayotganimda bir shart qo'ydim. Yani agarda Superliga jamoalaridan taklif bo'lsa qo'yib yuborishlarini aytdim. Bu orada "Rubin" dagilar taklif bilan chiqishdi. Klub rahbariyati barcha tomonlama qo'llab-quvvatlashini aytdi. Jamoa yomon emas, klub hususiy. Kubokdagi birinchi o'yinimizda g'alaba qozondik. 23 nafar futbolchi shu zahoti o'yin yakunlanishi bilan mukofot pullarini olishdi. Futbolchi ham inson, u ham oila boqishi kerak.

"Lokomotiv BFK" darvozaboni menga ham yoqdi. Ishlashdan to'xtamasa kelajagi bor bola. O'yinni asosiy bo'limlarda tugatishimiz mumkin edi. Lekin ko'rdingiz raqib posboni qiyin vaziyatlarda ham jamoasini goldan qutqarib qoldi.
Penaltilar seriyasida oxirgi zarbani men tepishimni sababi oddiy. Futbolchilarning ko'ziga qarasam charchoq va qo'rquv bor edi. Shuning uchun masuliyatni zimmamga oldim",- deydi Asilbek Amonov.

"Legionerga aylanishga yaqin edim". Asilbek Amonov nima uchun mavsumni birinchi ligada boshladi?