"Real Madrid" – "Levante" 6:0
"Santyago Bernabeu" stadioni
Gollar: 1:0 – 13 Mendi, 2:0 – 19 Benzema, 3:0 – 34 Rodrigo, 4:0 – 45 Vinisius Junior, 5:0 – 68 Vinisius Junior, 6:0 – 83 Vinisius Junior.

"Real Madrid" – Kurtua, Nacho (Xila, 82), Valexo, Mendi, Modrich (Peter, 75), Valverde (Kroos, 75), Kamavinga, Vaskes, Benzema (Yovich, 75), Vinisius Junior, Rodrigo (Mariano Dias, 62).

"Levante" – Kardenas, Miramon, Kaseres (Kampanya, 39), Postigo, Rober (Vezu, 77), Son, Radoya (Bardi, 39), Melero (Kantero, 57), Pepelu, Morales, Dani Gomes (Roxer Marti, 57).

Ogohlantirishlar: Kamavinga (43), Roxer Marti (65), Modrich (69).

La Liga musobaqa jadvali va to'purarlar ro'yxati bilan tanishing

Ushbu sahifada uchrashuvning matnli translyaciyasini kuzatib borishingiz mumkin bo'ldi.

YANGILASH

90-daqiqa. Bo'ldi, hakam bir soniya ham qo'shib o'tirmadi. Barchasi hal, ortiq hech kimni qiynash kerak emas va o'yin yakuniga etdi.

87-daqiqa. Mariano Diasdan kuchli zarba, Kardenas bechora yana seyv amalga oshirdi.

86-daqiqa. "Real"ning zaxiradan o'yinga qo'shilgan futbolchilari ham imkon borida gol urib, golli uzatma amalga oshirib, o'zlarini ko'rsatishga urinishmoqda.

Uchrashuvdagi barcha gollarning videosini telegram orqali tomosha qilishingiz mumkin.

Zaxiradan o'yinga qo'shilgan Luka Yovich nomiga assist yozdirib qo'ymoqda.

83-daqiqa. GOOOOOOL! Vinisius Junior hisobni 6:0 ko'rinish olishini taminladi. Braziliyalik uchun xet-trik.

82-daqiqa. O'zgarish! Nacho o'rniga yana bir kanterano Mario Xila o'yinga qo'shildi.

79-daqiqa. Xose Luis Morales driblingini ishga solib raqiblarini aldab, zarba ham berdi, biroq navbatdagi raqib to'p yo'liga to'g'anoq bo'ldi.

75-daqiqa. O'zgarishlar! Karim Benzema, Luka Modrich va Fede Valverde o'rniga Luka Yovich, Peter Federiko va Toni Kroos tushdi.

69-daqiqa. Ogohlantirish! Luka Modrich hisobiga bugun sariq kartochka ham yozdirib qo'ydi.

68-daqiqa. GOOOOL! Vinisiusda dubl! Bu safar Karim Benzema assist rolini ijro etib berdi.

65-daqiqa. Ogohlantirish! Rodjer sariq kartochka ishlab oldi.

63-daqiqa. Kamavinga katta tezlikda oldinga ketayotgan raqibidan osonlik bilan to'pni olib qo'ydi, fol ham yo'q ekan.

Modrich darhol dominikanlikka ham golli uzatma tashkillashtirib yuborayotgandi, biroz o'xshamay qoldi.

62-daqiqa. O'zgarish! Rodrigo o'rniga Mariano Dias maydonga tushirildi.

61-daqiqa. Alexandro Kanteroning zarbasidan keyin to'p darvoza ustuni yonginasidan o'tib ketdi.

60-daqiqa. Luka Modrich raqibning hujumini uzib qo'ydi.

58-daqiqa. ~~GOOOL!~~ Vinisius hamyurtiga birga-bir vaziyatda qanday harakat qilishni ko'rsatib qo'ygandi, ammo o'yindan tashqari holat qayd etildi va bu gol ham inobatga olinmadi.

55-daqiqa. Qanaqasiga? Karim Benzema zo'r uzatmasi bilan Rodrigoni birga-bir vaziyatga chiqarib yubordi, braziliyalik ham chiroyliroq bo'lishi uchun to'pni darvozabonning ustidan tashlab qo'ymoqchi edi, ammo ijro biroz o'xshamadi.

54-daqiqa. Dani Gomes zarba berdi, lekin mezbonlar to'p yo'lini tezda to'sib, Kurtuaga ish qoldirishmadi.

ECHL yo'llanmasi uchun bo'lgan "London derbsini" tugatib, bizga qo'shilganlar uchrashuvdagi barcha gollarning videosini telegram orqali tomosha qilishi mumkin.

52-daqiqa. Lukas Vaskes jarima maydonchasiga yorib kirdi va to'pni oldinroqqa tashlab, raqibga urilib, yiqildi... Ammo hakam o'yinni davom ettirish zarurligini malum qildi.

51-daqiqa. "Levante"da zarba uchun imkoniyat bor edi, ammo Xose Luis Morales yana cho'zib yubordi va Valexo hamda Kamavinga uni zararsizlantirishdi.

50-daqiqa. Lukaaa! Birinchi bo'limda assistentlik rolini qoyillatib tashlagan Luka hozir o'zi zarba berdi, darvozabon katta qiyinchilik bilan to'pni qaytarib yubordi. Burchak zarbasi.

48-daqiqa. Federiko Valverde ham birinchi bo'limda qilgan ishini davom ettirib, jarima maydonchasi tashqarisidan zarba berdi, biroz noaniq.

Birinchi bo'limda bo'lgani kabi "Real" yana darhol hujumga tashlandi.

46-daqiqa. Ikkinchi bo'lim boshlandi.

45+1-daqiqa. Hakam elon ham qilib o'tirmay, birinchi bo'limga 1 daqiqa qo'shib berdi. "Levante" o'sha daqiqada burchak zarbasini amalga oshirdi, ammo Valexo baland sakrab to'pni qaytarib yubordi va hakam bo'limni yakunlab berdi.

45-daqiqa. GOOOOOOL! Luka Modrichdan yana bir ajoyib pas va Vinisius ham ismini tabloga yozdirib qo'ydi. Lukada assitlar bo'yicha xet-trik.

43-daqiqa. Ogohlantirish! Eduardu Kamavinga ishlatgan qo'polligi uchun ogohlantirildi!

42-daqiqa. Uxx! Fede Valverdening kuchli zarbasidan keyin to'p darvoza to'siniga tegib qaytdi.

40-daqiqa. Modrich to'pni yo'qotishi oqibatida "Levante" qarshi hujum uchun imkoniyatga ega bo'lgandi, lekin undan unumli foydalana olishmadi va ish zarbagacha ham etib bormadi.

Oxirgi ikki vaziyat... Avvaliga Luka Modrich Vinni ishlagan jarima zarbasidan to'pni darvozaga yo'lladi, qaytgan to'pni jarima maydonchasi chizig'i oldida turgan Valverde yana darvoza tomonga yo'lladi. Kiper katta qiyinchilik va qisman omad evaziga bu safar to'pni to'rdan olib chiqmadi.

37-daqiqa. O'yin taxminan 10-daqiqadan buyog'iga deyarli bir xil ketmoqda. Mezbonlar raqib bilan emas buyog'iga o'zaro kim ko'proq gol urish uchun harakat qilmoqda.

34-daqiqa. GOOOOL! Modrichdan yana bir assist. Rodrigo ham ismini tabloga yozdirib qo'ydi.

33-daqiqa. To'p burchakdan o'yinga kiritiladi. Bungacha Pepelu hujumga kelgan Nachoni ranjitdi va uzr so'radi.

"Real" o'tgan vaqt davomida shu qadar oson o'yin o'tkazyaptiki, oxirgi daqiqalarga kelib mashg'ulotdagi ishlanmalarni takrorlab ko'rishmoqda.

32-daqiqa. Yoshlar etmagandek, Luka Modrich tezda ortga qaytib, raqibdan to'pni ilib ketmoqda.

30-daqiqa. ~~GOOOL!~~ Ammo Rodrigoning goli offsayd tufayli inobatga olinmadi.

28-daqiqa. "Levante" yaxshi imkoniyatga ega bo'lishi mumkindek edi. Biroq yo oxirgi uzatma, yoki oxirgi zarba etishmadi mehmonlarga.

26-daqiqa. Karim Benzema yana zarba berdi, biroz noaniq.

22-daqiqa. Endi Vinisiusda yaxshi imkoniyat bo'ldi, lekin bu safar Kardenas seyv ijro etdi va to'p darvozasiga borib tushishiga yo'l qo'ymadi.

19-daqiqa. GOOOOOL! Bu mavsum ko'p ko'rganimiz - Vinisiusdan uzatma va Karim to'pni darvoza to'riga yo'lladi.

19-daqiqa. Bu safar Vinsiusdan to'pni qabul qilgan Mendi darvozaga yaqinlashib keldi va zarba berdi, lekin darvozabon bu safar jamoasini qutqardi.

18-daqiqa. To'p bilan yana "Real"....

16-daqiqa. Uxx! Fede Valverde ketma-ket ikki marta gol urishi mumkin bo'ldi. Biroq har ikki safar omad undan yuz o'girdi va hisob o'zgarmay qolmoqda.

13-daqiqa. GOOOOL! Luka Modrich kutilmaganda hujum markazida, himoyachilar etiboridan chetda qolib ketgan Ferlan Mendini ko'rdi, franciyalik himoyachi to'pni o'ziga o'nglab, biroz o'ylab oldida o'zi uni darvoza to'riga yo'llab qo'ya qoldi.

12-daqiqa. Himoyachi Son Karim Benzemaning jarima maydonchasi ichida yiqilishiga sababchi bo'lib qoldi. Biroq bu penalti emas, deb hisobladi hakam.

11-daqiqa. Uzatmadan keyin Valverde qaytargan to'p mehmonlar vakilining qo'liga tegib ketdi.

9-daqiqa. Valexo yarim himoyachilarning xatosini to'g'rilayman deb raqibga nisbatan ancha keskin tashlandi. Jarima zarbsini yana usha Pepelu amalga oshirdi, to'p jonli devorga tegib, maydonni tark etdi. Yana burchak zarbasi.

8-daqiqa. Pepelu ("Levante") o'yindagi birinchi burchak zarbasini chap qanotdan amalga oshirib berdi. Himoyachilar xavfni bartaraf etishdi.

7-daqiqa. "Real"ning hujumi oxiriga etmay qoldi.

6-daqiqa. Kurutua ishonchli o'ynadi.

4-daqiqa. "Levante" to'pni nazorat qilishga urinmoqda.

3-daqiqa. Benzema zarba berdi, posbon o'z o'rnida.

2-daqiqa. Xorxe Miramon Vinisiusga nisbatan fol ishlatdi deb topildi.

O'zining birinchi hujumidayoq "Levante" hisobni ochishi mumkin edi. Xose Luis Morales qanotdan jarima maydoniga kirib bordi va to'pni sherigiga uzatmay, o'zi zarba uchun imkon izlashga tushib ketdi, lekin niyatiga eta olmadi.

1-daqiqa. O'yin boshlandi!

La Liga. "Real Madrid" o'z uyida "Levante"ni yanchib tashladi. Vinisiusda xet-trik, Modrichda 3 ta assist