Yaqinda "O'FA yanada yorqin faoliyat olib borishi uchun Osiyodagi qaysi associaciyadan o'rnak olishi kerak?" savoli bilan so'rov qo'ygandik. Bunda 8ta mamlakat futbol associaciyasini misol sifatida keltirgandik: Yaponiya, Janubiy Koreya, Avstraliya, Xitoy, Qatar, Saudiya Arabistoni, Eron va BAA.

So'rovnoma natijalariga ko'ra, eng ko'p ovozni (35 foiz) Yaponiya FA to'pladi. Janubiy Koreya varianti 16 foiz ovoz to'plagan bo'lsa, berilgan variantlar orasidagi "Hammasidan o'rnak olsa arziydi" degan javob ham 16 foiz yig'di.

Shuningdek, Qatar FAga 13 foiz ishtirokchi ovoz bergan. So'rovnomada qatnashganlarning 10 foizi "O'rnak olishi shart emas, bizning o'z yo'limiz bor" degan variantda qolgan. Keyingi o'rinlarni Eron 4, Avstraliya bilan Saudiya Arabistoni 2 hamda Xitoy va BAA bir foizdan ovoz to'plab band etishdi.

So'rovnomada 10 mingdan ziyod o'quvchimiz ishtirok etdi. Ko'pchilik Yaponiya variantini tanlagani tushunarli. Negaki yaponlarda futbol strukturasi, professional tarzda ish olib borish juda yaxshi yo'lga qo'yilgan. Shuning uchun bo'lsa kerak, OFK ham o'z tadbirlarida Yaponiya futbol associaciyasini tez-tez etirof etib keladi. Bundan tashqari ularning muntazam jahon chempionatiga chiqishi, Osiyo chempionatlari finallarida ishtiroki hamda klublarining OCHLdagi muvaffaqiyatlari ham bejizga emas.

Ko'pchilik O'FA Yaponiyadan o'rnak olishi kerak deb hisoblayapti (so'rovnoma yakunlari)