5 iyul sanasidan etiboran esa O'zbekiston professional futbol ligasi yozgi transfer oynasini ochdi. Mazkur jarayon shu oyning so'nggi kunigacha davom etadi.

Malumingizkim, Bekobodning “Metallurg” jamoasi birinchi davra mobaynida bir qator o'yinchilari bilan xayrlashgandi: Nikita Pavlenko, Evgeniy Makeev, Evgeniy Chumak, Andrey Shipilov. Endi shu futbolchilarning o'rnini to'ldirish fursati keldi va “Metallurg” yozgi transfer oynasining birinchi kuniyoq yangi o'yinchilarni o'z safiga qo'shib oldi. Bular Ibrohim Ibragimov hamda Bobur Davlatovlardir. Shuningdek, ikki nafar o'yinchimiz ijaradan ortga qaytadi. Birinchi davrani “Andijon”da o'tkazgan Muhammad Isaev va “Neftchi”da faoliyat yuritgan Xudoyshukur Sattorovlar ham qadrdon jamoasiga qaytmoqda.

Ibrohim Ibragimov

Tug'ilgan sanasi: 2001 yil 12 yanvar.

Ampluasi – yarim himoyachi.

Professional faoliyatini “Bunyodkor”da boshlagan (2020 yil).

Ikki mavsum davomida Ibrohim Ibrohimov “qaldirg'ochlar” safida 6 ta uchrashuvda asosiy tarkibda maydonga tushgan: 2020 mavsumda 3 ta o'yin – 95 daqiqa, 2021 yilda 3 ta o'yin – 268 daqiqa. U-21 jamoasi tarkibida esa 6 ta uchrashuvda maydonga chiqqan – 457 daqiqa o'ynagan, 1 ta gol urgan, 1 ta gollik uzatmani amalga oshirgan.

Bobur Davlatov

Tug'ilgan sanasi: 1996 yil 1 mart, Yangier shahri.

Ampluasi – yarim himoyachi.

O'zbekiston yoshlar terma jamoasida 7 ta uchrashuvda maydonga chiqqan.

Professional faoliyatini “Mashal”da boshlagan (2012 yil).

So'nggi jamoasi – “Nefteximik” (Rossiya).

O'ynagan jamoalari: “Mashal” (2012 yil – 5 uchrashuv – 0 gol), “Rubin” (2013 – 2014 yillar – yoshlar tarkibida o'ynagan), “Jetisu” (2015 – 9 – 0), “Aktobe” (2016 – 13 – 1), “Nefteximik” (2017 – 5 – 0), “Lokomotiv” (2017 – 1 – 0), “Nasaf” (2018-2019 – 31 – 5), “Nefteximik” (2019-2021 – 15 – 0).

Keldi-ketdilar mavsumi boshlandi. "Metallurg" tarkibda qanday o'zgarishlarga qo'l urdi?