- Barchaga salom. 5 kun ichida ikkita kuchli jamoaga qarshi o'ynadik. Bugun teng o'yin bo'ldi. Oxirida yutib ketishimiz ham mumkin edi. Yigitlarning emociyalari "Navbahor" bilan o'yinda qolib ketdi. Ketma-ket ikki safar o'yinida o'ynadik. Shu sababli o'yin oxirrog'ida charchab qolishdi. Umuman olganda teng o'yin bo'ldi.

- Bu o'yinning kechiktirilishi sababli "Paxtakor"da etakchilarning yo'qligi bo'lgandi. Bugun ham Cheran o'ynay olmay qoldi.

- 3ta sariq kartochkasi bor edi, o'tgan o'yinda to'rtinchisini ham oldi. Bu futbol. O'shanda futbolchilarimizning katta qismi termalarda bo'lgani uchun o'yin qoldirilgandi. O'sha paytda zaxiramiz ham kam edi. Shu sababli o'yinni qoldirgandik.

- Uchrashuv oxirida himoyachi o'rniga hujumchi tushdi. Buning sababi nimada?

- Shahzodning jarohati bor edi. Uni oldik va Odilni (Hamrobekov) himoyada o'ynatdik.

- Ikki jamoaning navbatdagi o'yini Superkubokda bo'ladi. Shu sababli jamoalar yopiq o'yin ko'rsatishdimi?

- Yo'q, yopiq o'yin bo'lmadi. Bizning 19 avgustda ham o'yinimiz bor. Ammo biz tomondan yopiq o'yin bo'lmadi.

- Boshqacharoq qilib aytganda, ikki tomon ham extiyotkor bo'lib o'ynadi.

- "Nasaf" ham kuchli jamoa. Ular qarshi hujumga ham tez chiqishadi. Hamma bu erda gol o'tkazib yuborishdan qo'rqadi. Shu sababli ikki tomon ham ehtiyotkor bo'lib o'ynadi.

- Bugungi natija "Paxtakor"ni qoniqtiradimi?

- O'yinning jarayonini hisobga olsak, qoniqtiradi. Aslida bu erga g'alaba uchun kelgandik. "Paxtakor" doimo g'alaba uchun maydonga tushadi.

- So'nggi o'yinlarda "Paxtakor"da o'sishni ko'rib turibmiz. Ammo jamoaning hujumida muammolar bor. Banashak vaziyatlaridan foydalana olmayapti. Xoldorxonovga esa kam imkoniyat berilmoqda.

- Banashak ham bir yildan ko'proq o'yinlarda qatnashmadi. Hozir u o'z jismoniy holatini tiklash uchun mehnat qilmoqda. Po'latxo'jaga ham sekin-sekin ko'proq vaqt berishni boshlaymiz.

- Yangi kelgan legionerning holati qanday?

- U jarohat olgan. Metyu ham "Navbahor" bilan o'yinda jarohat orttirib olgan.

- Azmiddinovning jarohati haqida. Bu "Paxtakor"da himoyachilar etishmovchiligini keltirib chiqarmaydimi?

- Oyog'i sal tortishib qoldi. Jarohati unchalik jiddiy emas.

Kamoliddin Tojiev: "Natijadan qoniqdim"