"Кеча ҳам қийин ўйин бўлиши ҳақида айтган эдим. Ўйин бир голгача давом этадиган эди, шундай ҳам бўлди. Барчани табриклайман" - деди Камолиддин Тожиев финалдан сўнг.
"Барча мухлисларимизни табриклайман. Ўйин қийин кечди ва бундай бўлишини билардик. Ўзимизга керакли натижани қўлга киритдик", - деди Ҳожиакбар Алижонов.
Ҳожиакбар Алижоновга савол
— Баҳсли эпизодлар нима сабабдан келиб чиқди?
— Мен ҳам тушунмадим нега бундай тўполон қилишганини. Менимча, бундай футбол ўйнаш яхши эмас.
— Башар Ресан нега бугун захирада қолдирилди?
— Ўтган ўйин тўлиқ 90 дақиқа ҳаракатланган эди. Бу сафар тайёр футболчиларни майдонга туширдик. Башар "Хоразм"га қарши ўйинда кўп куч йўқотганди.
— Башар Ресан қизил карточка олганда сизда "Б" план бормиди?
— Йўқ. Четлатиш ҳақида ўйламагандик. Бир ўша вазиятда 1:0 ҳисобида ғалаба қозонаётган эдик. Агар четлатиш бўлганида, захирадан яна бир ҳимоячини майдонга туширишга тайёр эдик ва ҳисобни ушлаб қолишга ҳаракат қилардик.
Ҳожиакбар Алижоновга савол
— Шаҳбоз Жўрабеков билан майдонда кўп тўқнаш келдингиз. Икки футболчи ўртасидаги бундай шиддатли ўйинга нима сабаб бўлди?
— Жўрабеков бош мураббий кўрсатмасини бажарди деб ўйлайман. Майдонда чоғимиз рақиб бош мураббийи менга яқинроқ ўйнаш кераклигини маслаҳат берди. Менимча, шу сабаб. Қийин бўлди.
— Бир вазиятда сиз ва Хомяков ўртангизда мулоқот бўлди. Ўша вазиятда қандай мулоқот кечди?
— Бу футболдаги оддий бир ҳолат. Хомяков ўз фикрини айтди, мен эса ўзимнинг фикримни билдирдим.
— "Бухоро"нинг бекор қилинганини голининг такрорини кўрдингизми?
— Йўқ, ҳали кўрганим йўқ. Ёрдамчилар айтиши бўйича иккита офсайд бўлган экан.
— Мураббий сифатидаги дастлабки совринни қўлга киритдингиз. Раҳбарият бугунги соврин учун қандай рағбатлантириш ваъда қилди?
— Ҳали ҳеч ким бу ҳақда гапирмади.
— Йил бошида жамоада эмас эдингиз. Бош мураббий сифатидаги илк совринни ютдингиз. Бугунги ўйиндан сўнг нималарни ҳис этдингизми? Қандай ҳиссиётлар ўтди?
— Ҳозир энг бахтли инсонман, очиғи. Бу жуда катта ютуқ ва мен жуда хурсандман. Йигитларга раҳмат айтаман. Сенлар ўзларинг имконият бермасаларинг, ҳеч ким сенларни енга олмайди деб айтиб келаман.
— Ҳожиакбар Алижонов
"Докторимизга ҳам раҳмат. Илтимос, ушбу сўзларимни эътибордан четда қолдирманглар. Ушбу гап ўзларига етиб борсин"
