Isko "Real"dagi 9 yillik faoliyatidan keyin 2022 yilning yozida "Sevilya"ga o'tgandi. Biroq u klub sport direktori Monchi bilan janjallashib qolganidan keyin "Sevilya"dan ketishga majbur bo'ldi.

- "Sevilya"da baxtiyor edim. Ha, qiyin davrlarni o'tkazayotgandik. Biroq oldinga harakat qila olishimizni bilardim va yakunda shunday bo'ldi ham.

Ammo barchasi ham matbuotda yozilayotgandek kabi emas. Sevilyadagilarning fikricha, men barchani tashlab qochgandekman. Biroq men unday futbolchi emasman. "Real"da uzoq vaqt o'ynab, taslim bo'lmaslikni o'rgandim va asosiy tarkib uchun doimo kurash olib bordim. Bazida ishlar yaxshi ketardi, bazida esa yo'q. Ammo hech qachon tashlab qochmaganman.

Uyga og'ir hissiyotlar bilan qaytdim. Lopetegi qo'ng'iroq qilib, bu erda yaxshi jamoa borligini va mening xizmatlarimga qiziqish bildirayotgani sababli bu erga o'tgandim. Juda hayajonlanib ketgandim.

"Real"dagi maoshimni inobatga olsak, maoshim 4 baravar kamayishiga ham rozi bo'ldim. Klubga o'tganimdan keyin menga transferga Monchi qarshi bo'lganligini aytishdi. Biroq men o'zimga ishongan murabbiy uchun futbol o'ynashni istadim, biroq ishlar...

Tasavvur qiling, men qanday holatda uyga qaytganman. Sevilyaga 4 oy oldin uch farzandim bilan kelgandim, biroq endi kelajagim qanday bo'lishini ham bilmayman. Qiyin, ammo kuchli bo'lish va kelajakka ijobiy qarash kerak edi.

- Shunday holatdan keyin yig'lamadingizmi?

- Yo'q. O'zimdan afsuslandim. Doimo futboldan zavq olganman, sovrinlar yutganman. Sportning bu turi bilan yashaganman.

Ha, juda qattiq xafa bo'lgandim. Lekin bunga etibor bermaslikka harakat qildim. 31 yoshdaman, hali ancha vaqt futbol o'ynashim kerak va shu sababli mehnat qilyapman, - dedi Isko.

Isko "Sevilya"da maoshi qanchaga pasayganini va kim sababli klubdan ketganini aytdi