Qiziqarli va kurashlarga boy o'tishi kutilayotgan o'yin oldidan fikr va mulohazalar, fakt, statistika hamda malumotlar bilan o'rtoqlashamiz.

O'zaro o'yinlar

Hozirga qadar chempionatlar tarixida jamoalar 28 marta o'zaro to'qnash kelishgan. 21 bellashuvda "Paxtakor" g'alaba qozongan. 3 bahsda durang qayd etilgan bo'lsa, 4 marta Olmaliq klubi zafar quchgan. "Sherlar" 52 to'p kiritib, 16 gol o'tkazib yuborgan. 7 muvaffaqiyatni jamoa yirik g'alaba bilan qo'lga kiritgan.

So'nggi bor...

"Paxtakor" - AGMK. Jamoalarning so'nggi 12ta uchrashuvi. Olmaliqliklar 11ta o'yindan beri "Paxtakor"ni mag'lubiyatga uchrata olmayapti. So'nggi g'alaba 2018 yil O'zbekiston kubogi finalida qo'lga kiritilgan. AGMK oxirgi 4ta uchrashuvda 13ta gol o'tkazib yuborib, raqib darvozasini ishg'ol qila olmagan. So'nggi bor 2020 yilgi mavsumda "sherlar" posbonini ranjitganini aytish joiz. Mirjalol Qosimov shogirdlari mazkur noxush statistikaga chek qo'yadimi?

Toshkentdagi yagona va oxirgi g'alaba

Toshkentda kechgan 14 o'yinning 10tasida "Paxtakor" ustun kelgan. 3 to'qnashuvda durang qayd etilib, bir bor "konchilar" g'alaba qozongan. "Paxtakor" raqib darvozasiga uyda 27 gol urgan holda 12 to'p o'tkazib yuborgan. AGMKning poytaxtdagi yagona g'alabasini taminlagan Zafar Polvonov bugungi kunda ham jamoada to'p tepmoqda.

Yo'qotishlar

Bugun Slavche Voyneski Ikrom Aliboev (diskvalifikaciya) va katta ehtimol bilan Dragan Cheran (jarohat) xizmatidan foydalana olmaydi. AGMKda esa Yoshlar Birinchiligi doirasidagi bellashuvda chetlatilgan Nodir Abdurazzoqov yordam bermaydi.

Yuqoridagi raqam va faktlarga tayanadigan bo'lsak, "Paxtakor" AGMKni yutishda katta qiyinchilikka duch kelayotgani yo'q. Qaysidir manoda ular uchun ortiqcha muammo emas. Lekin bu yil jamoaning mudofaa chizig'idagi xatolar etarlicha. Mirjalol Qosimov raqibining so'nggi o'yinlarini o'rganish chog'ida buni payqagani aniq. Boz ustiga Cheran va Aliboevning maydonga tushmasligi olmaliqliklarning ishini bir muncha engillashtirishi turgan gap. Avvalgi yillardan farqli ravishda bugun maydonda teng kurash va qisman AGMKning ustunligini ko'ramiz. "Sherlar"ga esa mezbon faktori omili yordam berishi mumkin.

[instagram] CODE [/instagram]

Har narsaning yakuni bo'lishi kerak. Turning markaziy uchrashuviga prevyu