U 18 yoshida (2007 yil) ECHLning amaldagi g'olibi "Milan" tarkibiga qo'shilgandi. O'shanda "rossonerilar" transfer qiymati 4 mln evro bo'lgan vunderkind uchun 24 mln sarflagan. Patinoga bo'lajak jahon yulduzi sifatida qaralardi. Istedodli hujumchi A ceriyadagi dastlabki mavsumidayoq o'zini 9 bor ko'rsatishga ulgurdi. 2009 yilda "Golden Boy" mukofotiga munosib ko'rildi.

Biroq, kutilmaganda orttirib olingan jarohat Aleshandrening o'yinida pasayish keltirib chiqardi va asosiy tarkibdagi o'rnini yo'qotdi. Bu paytda Pato klub xo'jayini Silvio Berluskonining arzanda qizi Barbara Berluskoni bilan uchrasha boshlagandi. Bu muhabbat qissasi jamoa bosh murabbiyiga yoqmas, u Pato futbolchi sifatida tanazzulga uchraganini anglayotgandi. Braziliyalik futbolchi dastlab murabbiy bilan, keyin butun jamoa bilan ziddiyatlarga bora boshladi. Keyinchalik, Pato Braziliyaga qaytishni mantiqan to'g'ri deb bildi. Juftlik ajrashishga qaror qilishgandi. Futbolchi o'sha kundan boshlab bir necha bor avvalgi mavqeyini tiklashga harakat qilib ko'rdi. Ammo, barchasi besamar ketdi.

Bu orada "Chelsi", "Vilyarreal", "San-Pulu" va Xitoy Superligasida to'p tepishga ulgurgan futbolchi allaqachon 31 yoshni qoralab qo'ydi. U bugungi kunda MLS vakili "Orlando Siti" jamoasi sharafini himoya qilyapti.

Quyida Patoning o'zi o'ynagan barcha jamoalardagi statistikasi bilan tanishib olishingiz mumkin.

klub	o'yin	gol	assist
"Milan"	150	63	18
"San-Paulu"	105	32	15
"Tyanczin Tyanxay"	60	36	8
"Korintians"	39	12	1
"Vilyarreal"	24	6	5
"Internasonal"	18	10	1
"Chelsi"	2	1	-
"Orlando"	1	-	-

"Golden Boy-2009" - Patino hozir qaerda?