O'zbekistonda ham bu o'yinning muxlislari juda ko'p va bir yil oldin ushbu yo'nalish bo'yicha xatto mamlakatimizning oliy va birinchi ligalari yo'lga qo'yilgan edi. O'zbekiston terma jamoasi ishqibozlari bu o'yinda milliy terma jamoamiz yo'qligini yaxshi bilishsa kerak. Biroq 5 nafar futbolchimiz ushbu virtual futbol o'yinida mavjud. Ular Vitaliy Denisov ("Lokomotiv" Moskva), Vadim Afonin ("Anji"), Vagiz Galiulin ("Tosno"), Eldor Shomurodov ("Rostov") va Fozil Musaev ("Jubilo Ivata").

Vitaliy Denisov

FIFA18 o'yinida hamyurtimiz Vitaliy Denisov eng katta reytingga (80) ega o'zbekistonlik hisoblanadi. EA SPORTS ishlab chiqaruvchilari o'yinning bu qismida himoyachini jismonan baquvvat, tez yuguradigan va himoyada yaxshi harakat qiladigan futbolchi sifatida ko'rsatishgan.

Vadim Afonin

"Anji"dagi yarim himoyachimizning reytingi 71. Uning o'yindagi kuchli sifatlari - qisqa paslar (76) va jarima zarbalarida to'pni aylnatirish (76).

Vagiz Galiulin

"Tosno"da javlon urayotgan o'zbekistonlik Vagiz Galiulinning FIFA18 o'yinidagi ko'rsatkichlari ancha past. Virtual futbol yaratuvchilari Galiulinga ko'proq tezkorlik va chaqqonlik sifatlarini qo'shishgan.

Eldor Shomurodov

Yaqindagina "Rostov"ga o'tgan hamyurtimiz Eldor Shomurodovning FIFA18 o'yinidagi reytingi - 63. U ham Galiulin va Denisov kabi katta tezlikka ega. Ishonmaysizmi? Unda ushbu o'yinda Shomurodov bilan harakat qilib ko'ring.

Fozil Musaev

FIFA18 o'yinidagi eng past ko'rsatkich Fozil Musaevda. O'yin yaratuvchilari futbolchimizga yaxshi etibor berishmagan ko'rinadi. FIFA18 talqiniga ko'ra, Musaev ko'proq agressiv harakatlarda kuchli ekan.

Siz ushbu futbolchilarning reytingi haqida qanday fikrdasiz?

Telegramdagi kanalimiz orqali FIFA18 o'yinining O'zbekiston uchun muqovasini ko'chirib olishingiz mumkin. TELEGRAM

FIFA18 o'yinida o'zbekistonlik futbolchilar bormi? (+FOTO)