Жаҳон чемпионати футбол тарихида биринчи марта уч давлат — АҚШ, Канада ва Мексикада ўтказилади.
Мундиал бошланишига 100 кун қолганида турнирнинг расмий постери тақдим этилди.
"Футбол бўйича жаҳон чемпионати тарихида биринчи марта уч нафар рассом бирлашиб, турнирнинг расмий постерини яратди. Канадалик рассом Карсон Тинг, мексикалик Минерва GM ва америкалик Хэнк Уиллис Томас ўз истеъдодлари ва услубларини бирлаштириб, футболга бўлган умумий иштиёқ дунёни қандай бирлаштиришини кўрсатувчи асар яратди", — дея ФИФА расмий сайтида айтилган.
2026 йилги футбол бўйича жаҳон чемпионати 11 июндан 19 июлгача бўлиб ўтади.
