U MOFA tarkibidagi qo'mitaga rahbarlik qiladigan ilk o'zbekistonlik bo'ldi.

43 yoshli Farhod Abdullaev O'zbekiston Davlat jismoniy tarbiya institutining “Futbol” fakulteti magistri bo'lib, 2004 yilda “Futbol hakamlarining tayyorgarliklaridagi muammolari” mavzusida dissertaciya yoqlagan. 2007 yilda esa Hindistonda talim olib qaytgan.

Farhod Abdullaev mehnat faoliyatini 1993 yilda O'zbekiston chempionati o'yinlarida hakamlik qilish bilan boshlagan. 2001 yildan etiboran OFK va FIFA hakami sifatida o'yinlarni boshqargan. 13 yillik hakamlik faoliyatidan so'ng, hakamlar nazoratchisi sifatida 2007 yilda ish boshladi. 1 yil o'tib, Farhod Abdullaevni OFK Hakamlar boshqarmasiga ishga taklif qilishadi.

2009 yilda Farhod Abdullaev Osiyoning klublar o'rtasidagi eng nufuzli turniri Chempionlar ligasi musobaqalarining hakamlari nazoratchisi etib tayinlandi. Bundan tashqari, OFKning terma jamoalar o'rtasidagi barcha nufuzli musobaqalarining final bosqichida, ayniqsa, 2015 yilgi Avstraliyada bo'lib o'tgan Osiyo Kubogi musobaqasida ham shu vazifani muvaffaqiyatli bajargach, 2017 yilda Hindistonda bo'lib o'tgan yoshlar o'rtasidagi jahon chempionatiga hakamlar nazoratchisi sifatida taklif qilindi. 2018 yilda esa, Rossiyada bo'lib o'tgan futbol olamining eng nufuzli turniri - jahon chempionati o'yinlarida hakamlar nazoratchisi sifatida ish olib bordi. O'zbek, rus va ingliz tillarida erkin so'zlasha oladi.

Takidlash kerakki, Farhod Abdullaev MOFA Hakamlar qo'mitasi raisligiga qadar, 2015-2016 yillarda OFKning hakamlar qo'mitasining azosi sifatida ham faoliyat yuritgan.

Farhod Abdullaevdan tashqari, shuningdek, eronlik Ahmadrizo Baratiy MOFAning Tartib-intizom qo'mitasi raisi etib tayinlandi. 42 yoshli Baratiy Ispaniyaning xalqaro sport huquqshunosligi instituti va Eronning bir qancha shu sohadagi talim muassasalarida ishlagan.

Mehnat faoliyati davomida Eron futbol federaciyasi, OFK va FIFAning Tartib-intizom qo'mitalarida ishlagan. 2018 yilda esa OFKning futbol menejerlarini tayyorlash xalqaro o'quv kursini tamomlagan. Ingliz va fors tillarida erkin so'zlasha oladi.

Malumot o'rnida aytib o'tish kerak, MOFAning qo'mitalari soni bugungi kunga kelib 4taga etdi. Hakamlar qo'mitasida - Farhod Abdullaev, Tartib-intizom qo'mitasida - Ahmadrizo Baratiy raislik qilayotgan bo'lsa, Marketing qo'mitasida - Afg'oniston Futbol Federaciyasi Bosh kotibi Sayid Ali Og'azoda, Musobaqalar qo'mitasida esa Qirg'iziston futbol federaciyasi birinchi vice-prezidenti Dostonbek Konokbaevlar raislik qilishmoqda.

Farhod Abdullaev Markaziy Osiyo futbol associaciyasida ish boshladi