Maydon egalari bu mavsumda hali hech kimga engilmagan va birin-ketin seriyalar qayd etayotgan "Neftchi"dan 3 ochko tortib olishni uddalashdi. Ushbu uchrashuvga doir bir nechta qiziqarli faktlar bilan o'rtoqlashamiz.

- "Neftchi"ning Superligadagi 22ta o'yinlik mag'lubiyatsiz seriyasi yakunlandi. Jamoa so'nggi bor 2022 yilning 2 noyabr kuni o'z maydonida OKMKga mag'lub bo'lgan edi.

- "Neftchi" jamoasi Superligada 2015 yildan keyingi eng yaxshi mavsumni o'tkazmoqda. O'shanda jamoa Superligada bir mavsumda ketma-ket 8ta o'yinda mag'lubiyatga uchramagan va yakunda turnir jadvalida 5 o'rinni egallagandi.

- Superligadagi so'nggi eng uzun mag'lubiyatsiz seriya "Paxtakor"ga tegishli edi. 2019 yil Shota Arveladze boshchiligidagi "sherlar" 24ta turda mag'lub bo'lmagandi. "Neftchi"ga esa bu natijani yangilash uchun biroz etmadi.

- "Neftchi" bu mavsumda 3ta uchrashuvda darvozasidan 2ta to'p olib chiqdi. Jamoa mazkur bahslarda g'alaba qozona olgani yo'q.

- Andres Chavez Superligada gol urgan va qizil kartochka olgan ilk argentinalik futbolchi sifatida tarixga kirdi. O'tgan mavsumda "Qizilqum" libosida to'p tepgan Gonsallo Ritakko Superligada 7ta o'yinda maydonga tushib, raqib darvozasini ishg'ol qila olmagandi.

- Chavez joriy mavsumda "Nasaf" tarkibida gol urgan 13-futbolchiga aylandi. Qizil kartochka olgan to'rtinchi futbolchi bo'ldi.

- "Nasaf" 4 yildan so'ng Qarshida "Neftchi"dan ustun keldi. "Ajdarlar" so'nggi bor 2018 yilning 4 noyabr kuni o'z maydonida farg'onaliklarni taslim qilgandi.

- Qarshidagi o'zaro o'yinlarda 2:0 eng ko'p qayd etilgan hisob bo'ldi. 25ta uchrashuvning 7tasi shunday natija bilan yakunlangan.

- Temur To'xtasinov 2023 yilda "Nasaf" ishtirokidagi 3, "Neftchi"ning esa 1-o'yinda bosh hakam sifatida ishladi. "Ajdarlar" 3ta bahsning 2tasida g'alaba qozondi va 1ta bellashuvda durang o'ynadi.

Malumot uchun, "Neftchi" navbatdagi uchrashuvini 22 oktyabr kuni Farg'onada "Surxon"ga qarshi o'tkazsa, "Nasaf" 27 oktyabr sanasida Qarshida "Metallurg"ni qabul qiladi.

Faktlar. Superligada ilk bor argentinalik futbolchi gol urdi. "Neftchi"da mag'lubiyatsiz seriya tugadi