Finlyandiyaning XIK klubi Farer orollarining "Runavik" jamoasiga qarshi birinchi o'yinda mehmonda – 0:4 hisobida mag'lub bo'lgan bo'lsa-da, o'z uyida kambekni amalga oshirdi – 5:0.

XIK 15-daqiqadanoq bir kishi ko'p o'ynadi, ammo ikkinchi bo'limga qo'shib berilgan to'rtinchi daqiqadaga kelibgina hisobni tenglashtirdi. G'alaba to'pi 93-daqiqada, yani birinchi qo'shimcha taymning uchinchi daqiqasida kiritildi.

XIK javob o'yinida darvozasi tomon 60 ta zarba yo'llab, 20 ta burchak to'pini amalga oshirdi va qo'shimcha bo'limlarda baribir beshinchi golini urib, oldinga o'tib oldi.

120+ daqiqalik statistika:

Zarbalar bo'yicha – 60:3
Aniq zarbalar - 15:0
Burchak zarbalari – 20:2
To'pga egalik qilish – 69% ga 31%

XIKning Konferenciyalar Ligasi ikkinchi bosqichidagi raqibi Bolgariyaning "Arda" jamoasi bo'ladi – o'yinlar 24 va 31 iyul kunlari bo'lib o'tadi.

Ilgari KLda 0:4 dan so'ng bunday hol kuzatilmagan. Biroq boshqa evrokuboklarda bunday holatlar uch marta ro'y bergan.

ECHL-2016/17. 1/8 final

"Barselona" (Ispaniya) – PSJ (Franciya)

0:4, 6:1

Umumiy hisob – 6:5

UEFA Kubogi (hozirda Evropa Ligasi) – 1985/86 yilgi mavsumning ikkinchi saralash bosqichi

KPR (Angliya) – "Partizan" (Serbiya)

6:2, 0:4

Umumiy hisob – 6:6, "Partizan" mehmondagi gol qoidasi tufayli keyingi bosqichga yo'l olgan.

UEFA Kubogi – 1985/86 yilgi mavsum 1/8 final bosqichi

"Borussiya" Myonxengladbax (Germaniya) – "Real" (Ispaniya)

5:1, 0:4

Umumiy hisob – 5:5, "Real" mehmondagi gol qoidasi tufayli keyingi bosqichga yo'l olgan.

Evrokubokda aqldan ozdiradigan kambek! Finlyandiya klubi "Barselona" va "Real"ning qahramonligini takrorladi