Jamoa o'z tarixida ilk bor rasmiy o'yinda oltita to'p o'tkazib yubordi. Angliya TJ 6:2 hisobida forslarni mag'lub etishga erishdi.

Umuman, eronliklar faqatgina bir marta, u ham bo'lsa 1950 yil Turkiyaga qarshi o'rtoqlik uchrashuvida 1:6 hisobida yutqazgan va bu terma tarixidagi eng yirik mag'lubiyat hisoblanadi.

Eron TJ 5 ta gol o'tkazgan o'yinlari:

J.Koreya 0:5 (Osiyo o'yinlari-1958)

Avstriya 1:5 (O'rtoqlik o'yini, 2000)

4 ta gol o'tkazgan o'yinlari:

Isroil 0:4 (Osiyo o'yinlari-1958)

Pokiston 1:4 (Osiyo kubogi-1960 saralashi)

Turkiya 0:4 (RCD Cup-1969)

Peru 1:4 (JCH-1978)

S.Arabistoni 3:4 (JCH-1994 saralashi)

Ummon 2:4 (Osiyo o'yinlari-1998)

Meksika 0:4 (O'rtoqlik o'yini, 2007)

Bahrayn 2:4 (O'rtoqlik o'yini, 2009)

Umuman “Osiyo sherlari” oxirgi marta 3+ golni 2019 yil yanvarida Osiyo Kubogi doirasida Yaponiya bilan bahsda o'tkazib yuborgan – 0:3. Shuningdek, Eron va Angliya tarixda ilk bor bir-biriga qarshi to'qnash keldi.

Angliya - Eron 6:2
21 noyabr 2022 yil. "Xalifa Interneyshnl" stadioni
Gollar: Jud Bellingem 35, - 1:0 (Lyuk Shou). Bukayo Saka 43, - 2:0 (Xarri Maguayr). Rahim Sterling 45, - 3:0 (Xarri Keyn). Bukayo Saka 62, - 4:0 (Rahim Sterling). Mehdi Taremi 65, - 4:1 (Amir Golizoda). Markus Reshford 72, - 5:1 (Xarri Keyn). Jek Grilish 90, - 6:1 (Kallum Uilson). Mehdi Taremi 90+13 penalti, - 6:2.

Malumot o'rnida, Angliya – Eron (6:2) bahsi Jahon chempionatlari tarixida asosiy bo'limi eng uzoq davom etgan uchrashuvga aylandi – 117 daqiqa. Bosh hakam 1-taymga 14 daqiqa, ikkinchisiga esa 10 daqiqa qo'shib berdi.

Bundan tashqari, forslar mundialda olti o'zgarishni amalga oshirgan ilk terma jamoaga aylandi. Bunga eronlik darvozabonning boshidan jarohat olgani tufayli majburiy almashtirilishi sabab bo'lgan. Qo'shimchasiga, Mehdi Taremi jahon chempionatlari tarixida asosiy vaqtda eng kech gol urgan futbolchiga aylandi – 90+13.

Eron terma jamoasi azolari mamlakatdagi holat tufayli Angliyaga qarshi bahs oldidan davlat madhiyasini kuylashmadi.

Eron TJ qachon oxirgi marta 6 ta to'p o'tkazgandi? (+statistika)