Shu tariqa u klub tarixida gol urgan eng yosh o'yinchiga aylandi. 16 yosh 3 oy-u 4 kunligida o'zining professional faoliyatidagi ilk to'pini kiritgan Endrik jamoaning barcha vaqtlardagi eng yaxshi to'purari Eytor tomonidan 1916 yilda 16 yosh 11 oy va 14 kunligida qayd etgan rekordini yangiladi.

"Real" va PSJning nishoni, deb qaralayotgan Endrikning o'zi ushbu natijasi haqida quyidagi fikrlarni bildirdi:

"Bu gol men uyda va "Palmeyras"dan tashqarida qilgan mehnatim natijasidir. Biz hali ham hech narsa yutganimiz yo'q. Oldinda bizda finallar bor, davom etamiz. Oyog'imiz erdan uzilgani yo'q va kamtarlik bilan ishlashda davom etamiz".

Yosh iqtidor egasi asosiy jamoa safida 4 ta o'yinda ishtirok etdi va u hali kamchiliklarini bartaraf etish uchun juda ko'p ishlashi kerakligi aytdi va quyidagicha qo'shimcha qildi:

"Men uchun hali hammasi joyida emas. Ko'p mashg'ulot o'tkazishim kerak va yaxshilashim zarur bo'lgan ko'pgina kamchiliklarim bor. Qattiq ishlashim zarur. Odamlar menga ishonishlarini istayman va shunga harakat qilaman".

Seshanba kungi 3:1 hisobidagi g'alaba liga peshqadami "Palmeyras"ni chempionlik uchun yana bir qadam yaqinlashtirdi. Ular chempionat yakuniga 4 tur qolganda eng yaqin taqibchisi "Internasonal"dan 13 ochko oldinda bormoqda.

Endrik - "Palmeyras" safida gol urgan eng yosh futbolchi