Malumot uchun, ushbu musobaqa jamoalarni Sharq va G'arb mintaqasiga bo'lgan holda o'tkazilmoqda va har bir mintaqada 12 tadan klub ishtirok etyapti. Dastlab 2-turda qayd etilgan natijalar bilan tanishtirib o'tamiz.

29.09.2025. "Nasaf" - "Al Hilol" 2:3

Qarshi. Markaziy stadion. 17,120 tomoshabin.

Gollar: S.Bahromov 27, J.Sidiqov 60 - S.Milinkovich-Savich 21, T.Ernandes 45+2, M.Leonardo 79.

Bosh hakam: Ahmad Al Ali (Quvayt)

29.09.2025. "Al Garafa" - "Al Shorta" 2:0

Al Rayyan. "Xalifa" stadioni. 2,008 tomoshabin

Gollar: Xoselu 48, F.Sassi 54.

Bosh hakam: Sadullo Gulmurodi (Tojikiston).

29.09.2025. "Traktor" - "Al Vahda" 0:0

Tabriz. "Sahand" stadioni. 49,403 tomoshabin

Bosh hakam: Xaled Al Xoish (S.Arabistoni)

29.09.2025. "Al Duhayl" - "Al Ahli" 2:2

Doha. "Abdulloh bin Xalifa" stadioni. 5,731 tomoshabin

Gollar: Edmilson Junior 25, Kshishtof Pyotek 48 - Mateus Gonsalves 42, Riyad Mahrez 45+1.

Bosh hakam: Omar Al Ali (BAA)

30.09.2025. "Al Sadd" - "Sharja" 1:1

Al Rayyan. "Jassim bin Hamad" stadioni. 6,891 tomoshabin

Gollar: Afif 18 - Lukas 73.

Bosh hakam: Zaid Tamer Muhammad (Iroq).

30.09.2025. "Al Ittihod" - "Shabab Al Ahli" 0:1

Jidda. "Qirol Abdulloh" stadioni. 24,179 tomoshabin

Gol: Sayid Ezatolahi 40

Bosh hakam: Adham Mahadmeh (Iordaniya).

Demak, 2-turning 6ta o'yinidan uchtasida durang qayd etildi va uchta uchrashuvda tomonlardan biri zafar quchdi. Saudiyaning "Al Hilol" va BAAning "Shabab Al Ahli" klublari safarda g'alabaga erishgan bo'lsa, Qatarning "Al Garafa" klubi o'z maydonidagi yutuqni tantana qildi.

Birinchi turdan farqli o'laroq bu turda muxlislar kam gol ko'rishdi. Darvozalarga jami 14ta to'p kiritildi. Eng ko'p gol turning birinchi uchrashuvida kuzatilib, bunda "Nasaf" "Al Hilol"ga qarshi bahs olib borib 2:3 hisobida mag'lub bo'ldi.

"Nasaf" o'tgan o'yinda ham ikki bor to'p kiritishning uddasidan chiqqandi, bu safar ham shuni takrorlay oldi, biroq yana mag'lubiyatga uchradi. Turnir jadvali va to'plar nisbatiga ko'ra "Nasaf" hozircha musobaqa jadvalining eng oxirgi pog'onasida boryapti.

Turning kutilmagan natijasi Saudiya Arabistonida qayd etildi deb bemalol ayta olamiz. Saudiyaning amaldagi chempioni "Al Ittihod" o'z maydonida "Shabab Al Ahli"ni qabul qilib, kutilmaganda 0:1 hisobida imkoniyatni boy berdi. Uchrashuvdagi yagona gol eronlik futbolchi Sayid Ezatolahi tomonidan kiritildi. Bu o'yinda mezbonlar safida Fabino, Kante, Benzema, Bergviyn kabi yulduzlar to'p tepgan bo'lishiga qaramay, "Al Ittihod" g'alaba qozona olmadi.

Navbatdagi tur 20-21 oktyabr kunlari bo'lib o'tadi. "Nasaf" OCHL Elitdagi navbatdagi uchrashuvni 21 oktyabr kuni aynan "Shabab Al Ahli"ga qarshi safarda o'tkazadi.

3-tur juftliklari

20.10.2025. "Al Vahda" - "Al Duhayl"

20.10.2025. "Sharja" - "Traktor"

20.10.2025. "Al Shorta" - "Al Ittihod"

20.10.2025. "Al Ahli" - "Al Garafa"

21.10.2025. "Shabab Al Ahli" - "Nasaf"

21.10.2025. "Al Hilol" - "Al Sadd"

Elit OCHL. 2-tur yakunlari