Doniyor Abdumannopovning so'nggi daqiqalarda "Navbahor"ga urgan chiroyli goli "So'g'diyona"ga muhim g'alabani keltirdi. Futbolchi championat.asia muxbiriga ushbu gol va o'yin haqidagi fikrlarini bildirib o'tdi.

- Namanganda to'p tepish va ortga g'alaba bilan qaytish hech bir jamoa uchun oson hisoblanmaydi. Lekin "So'g'diyona" ikkinchi yil buning uddasidan chiqdi...

- Har qanday g'alabaning zavqi boshqacha bo'ladi. To'g'ri aytasiz, Namanganga keladigan jamoalarga qiyin. O'ziga yarasha bosim bo'ladi. O'yinga kelsak, durangga mos bahsda omad bizga kulib boqdi. Oxirgi daqiqalarda g'alabani o'z tomonimizga og'dirdik.

- Gol tavakkal berilgan zarba edimi?

- To'p kelib tushgach darvozaga ikkilanmay zarba berdim. Xudo istagan ekan gol bo'ldi. Umuman olganda o'yin tengkurashlar ostida kechdi. Raqibda ham vaziyatlar bo'ldi.

- Bu faoliyatingizdagi eng chiroyli golingizmi?

- Yaxshisi muxlislar tarif berishsin. Men esa xudodan shunday gollarni yana nasib qilishini so'rayman.

- Navbatdagi uchrashuv haqida...

- Superligada hech bir o'yin oson bo'layotgani yo'q. G'alaba uchun maydonga chiqamiz. Har bir raqibni hurmat qilishimiz lozim.

Abdulaziz Iskandarov suhbatlashdi

Qiziqarli fakt, mutaxassislar fikri, intervyular quyidagi havolada. Intervyular olami

"Navbahor" - "So'g'diyona" uchrashuvidan faktlar

Doniyor Abdumannopov: "Navbahor"ga urgan golimga yaxshisi muxlislar tarif bersin"