Футболчининг сўзларига кўра, жамоа Нукусга яхши кайфиятда йўл олган ва янги мавсумга тўлиқ тайёр. Тоиров мазкур муҳим баҳсда мухлисларни хурсанд қилиш мақсадида ғалаба билан қайтишни мақсад қилганини таъкидлади. Шунингдек, у ўйин осон кечмаслигини, бироқ жамоадошларига ишонишини ва бирдамликда исталган рақибни мағлуб этиш мумкинлигини қайд этди.
Бундан ташқари, ярим ҳимоячи жорий мавсумнинг аҳамиятига тўхталиб ўтди: "Бу мавсум нафақат жамоа, мен учун ҳам жуда аҳамиятли. Ўтган йил Биринчи лигада тўп тепган эдим. Энди эса 2026 йилнинг ўзида "Каттақўрғон" билан элитага чиқишни хоҳлайман. Бу йўлда боримни беришга тайёрман", – деди Тоиров.
Эслатиб ўтамиз, самарқандликлар илк турни “Жайхун” жамоасига қарши ўтказади.
