"Jamoamiz murabbiylar shtabi tayanch yarimhimoya chizig'i uchun bir qator yangi o'yinchilar nomzodini ko'rib chiqqach, Dinamo PFK Burkina-Faso milliy jamoasiga nomzod Dramane Salou bilan shartnoma imzoladi.

27 yoshli yarim himoyachi Burkina-Faso milliy jamoasi safida 8 o'yinda maydonga tushgan. Xususan, 2025 yilda JCH-2026 Afrika qitasi saralash bosqichi doirasidagi 2ta o'yinga chaqirilgan. Dramanening so'nggi jamoasi "Xapoel Hayfa" bo'lib, u Isroil klubida bir yilda 33 o'yinda maydonga tushgan. Dinamoga erkin agent sifatida qo'shilgan Salou 2023/24 yilgi mavsumda Armanistonning "Urartu" klubida ham munosib faoliyat ko'rsatib, chempionat, kubok va Evropa Chempionlar ligasi saralash bosqichida jami 42 o'yinda 3ta golga mualliflik qilgan", - deyilgan "Dinamo" jamoasi matbuot xizmati bergan xabarda.

Fuqaroligi: Burkina-Faso

Tug'ilgan joyi: Uagadugu, Burkina-Faso

Tug'ilgan sanasi: 22 may, 1998 yil

Ampluasi: Tayanch yarimhimoyachi.

Milliy jamoasi: Burkina-Faso

Yutuqlari:

2018 yil – Burkina-Faso kubogi g'olibi;

2018/19 – Serbiya kubogi g'olibi;

2022/23 – Armaniston chempioni;

2022/23 – Armaniston kubogi g'olibi;

"Dinamo"dan navbatdagi yurish. Jamoa Burkina-Faso terma jamoasi futbolchisi bilan shartnoma imzoladi