Endilikda ular etiborni kubok bahslariga qaratishadi. Garchi tur to'liq yakunlanmagan bo'lsada bo'lib o'tgan uchrashuvlardan qiziqarli faktlarni etiboringizga havola qilamiz.

- "Andijon" 16 yildan so'ng Toshkentda "Lokomotiv"ni mag'lub etishni uddasidan chiqdi. "Burgutlar" bu ishni oxirgi marotaba 2007 yilgi mavsumning yakunida amalga oshirgan. Doniyor Hamidullaevning yagona goli jamoaga 1:0 hisobidagi g'alabani keltirgan.

- "Lokomotiv" 4 yildan buyon uyda "Andijon"dan ustun kela olmayapti. "Temiryo'lchilar" so'nggi bor 2020 yil Andrey Fyodorov davrida raqibi ustidan zafar quchgan. O'shanda "Andijon" ustozi Aleksandr Xomyakov bo'lgandi.

- "Dinamo" 7 yildan so'ng Toshkentda "Bunyodkor"dan ochko olib ketdi. Samarqandliklar 2017 yildan beri ilk marotaba bu ishni uddaladi. Bu yilda jamoa Oleg Tyulkin boshchiligida ortga 1:1 hisobi bilan qaytgan.

- Ikki jamoaning o'zaro uchrashuvlari tarixida Superligada birinchi marotaba 0:0 hisobi qayd etildi.

- "Bunyodkor" o'z tarixidagi eng yomon startni amalga oshirdi. "Qaldirg'ochlar" mavsumni ketma-ket 5 ta g'alabasiz seriya bilan boshladi. Bungacha eng yomon natija 2 ta o'yinni tashkil qilayotgandi.

- "Qizilqum" ketma-ket ikkinchi yil Jizzaxda "So'g'diyona"ga gol ura olgani yo'q. Bu bahslarda bir xil hisob qayd etildi (1:0).

- "Surxon" mezbon maqomida besh yildan so'ng OKMKdan 3 ochko tortib oldi. Termizliklar 2019 yilda uyda olmaliqliklarni enggandi 1:0

- Asadbek Karimov OKMKga qarshi ketma-ket ikkinchi o'yinda sobiq jamoasiga gol urib "Surxon"ga 3 ochko keltirdi. 2023 yil 2 ta gol, 2024 yil 1 ta gol.

- "Surxon" 5-turga kelib joriy mavsumdagi birinchi g'alabasini tantana qildi.

"Dinamo" 7 yildan so'ng "Bunyodkor"dan ochko oldi - Superliga 5-turidagi 4 ta o'yindan qiziqarli faktlar