"Биз Конте билан иш бошлаганимизда, ПСЖ ва бошқа клублардан Осимхен ва Хвича учун жами 200 миллион евролик таклиф олдик. Конте: "Осимхенни сотишингиз мумкин, лекин илтимос, Кварани олиб қолинг", деганди. Аммо уни олиб қолиш катта хато бўлди, чунки ўшанда унинг отаси ва агенти билан муаммолар юзага келди. Футболчи ва унинг агенти Неаполни тарк этишга қатъий қарор қилишгани сабабли, уни сотиб юборган маъқул деб ҳисобладим.
Мураббий бундан норози бўлди, лекин мен ҳуқуқий муаммолар туфайли шундай қилишга мажбур эдим. Мен бу қоидаларни ўзгартиришга ҳаракат қиляпман. Агар сиз инвестиция киритган бўлсангиз, ҳеч ким сизни шантаж қилмаслиги керак.
Америка кинобизнесида агент жуда муҳим, у режиссёр ёки актёрга муваффақият келтириши мумкин. Футболда эса агент — шунчаки ҳар ердан пул сўриб оладиган вампирдир", — деди Де Лаурентис.
Эслатиб ўтамиз, Хвича Кварацхелиянинг ПСЖга трансфери жорий мавсумнинг энг шов-шувли воқеаларидан бирига айланди.
