Aytish kerakki, Hoshimov uchrashuvning so'nggi daqiqalarida ikkirnchi sariq kartochkasini olib, maydonni barvaqt tark etdi.

- “Mashal”ga qarshi o'yindan keyindan olgan taassurotlaringiz qanday?

“Juda qiyin o'yin bo'ldi. Chunki “Mashal” turnir jadvalidagi o'rnidan kelib chiqqan holda bizga etarlicha qarshilik ko'rsatarishini taxmin qilgandik. Muborakdagi bahsda g'alaba qozonib, turnir jadvalidagholatini yaxshilab olishni rejalashtirgandi. Biz ham g'alaba uchun borgandik. O'ylashimcha, durang adolatli hisob bo'ldi.

- Sizningcha, “Navbahor”ning g'alaba qozona olmaganiga nima sabab bo'ldi?

“Yuqorida aytganimdek, Muborakga g'alaba qozonishni maqsad qilgan holda tashrif buyurgandik. O'z navbatida “Mashal” himoyada besh kishi bo'lib harakat qildi. Qolaversa, juda tartibli o'yin ko'rsatdi. Joriy mavsumda “Navbahor” mehmondagi bahslarda g'alaba qozonishi qiyin bo'lmoqda. Shu tomonlari bizning g'alaba qozona olmaganimizga sabab bo'ldi.

- So'nggi daqiqalarda maydonni barvaqt tark etdingiz. O'sha vaziyatda nima bo'ldi?

“Maydondan chetlatilgan vaziyat borasida gapirsam, o'sha vaqtda raqib hujumini to'xtatib qoldim. Bo'lmasam, vaziyat jiddiy tus olishi mumkin edi. Gol o'tkazib yubormaslik uchun ham raqibga nisbatan qo'polroq harakat qildim.

- Jamoangiz o'z oldiga qo'ygan vazifasini bajara oldimi?

“Navbahor” mavsum boshida yuqori o'rinlarning birini qo'lga kiritish va xalqaro maydonga yo'llanma olish vazifasi qo'yilgandi. Afsuski, natijalarimizda ijobiylik etishmagani tufayli keragidan ko'p ochkolarni qo'ldan chiqardik. Endilikdagi maqsadimiz oldimizda turgan uchta bahsda g'alaba qozonishimiz va muxlislarimizni xursand qilmoqchimiz.

Davron Hoshimov: “O'ylashimcha, adolatli hisob qayd etildi”