O'yin haqida

- Bugun birinchi bo'limda "Navbahor-farm" bizdan yaxshiroq ko'rindi. Ular o'yinga to'g'ri taktika tanlaganini tan olish kerak. "Navbahor-farm" safar o'yinlarida yaxshiroq o'ynayotgandi. Biz jamoaning avvalgi o'yinlarini ko'rib chiqqandik. Raqibni mensimaslik, raqibga past baho berish futbolga qanday oqibatlarga olib kelishini bugungi o'yin ham ko'rsatib berdi. Birinchi bor, qo'l ostimdagi futbolchilarga mana shunday tanqidiy fikr bildirayapman. Bu o'yindagi durang biz uchun mag'lubiyat bilan teng. Superliga uchun kurashayotgan jamoa uchun bunaqa o'yinlardagi durang ijobiy natija emas.

- Har bir chiziqda tajribali futbolchilar etishmayotgandek ko'rindi. Bu borada sizning fikringiz qanday?

- Balki, to'g'ri aytayotgandirsiz. Biroq, hozir buni amalga oshirib bo'lmaydi. Birinchi davra yakunida bo'lishi mumkin. Futbolda turgan emas, yugurgan jamoa yutadi.

- O'yindagi hakamlik haqidagi fikringiz qanday?

- Hakamlar haqida o'ylaydigan tegishli qo'mita bor. Bu mening ishim emas. Siz shuni bilib turib nega menga bunaqa savol berayapsiz? Hakamlar haqida gapirganim uchun menga tegishli tartibda chora ko'rilgan. Aytib o'tganimdek, ularning ishini baholaydigan tegishli qo'mita bor. Qo'shimcha o'rnida aytishim mumkin, bizning o'yinlar soat 16:00ga qo'yilayotgani bir oz tushunarsiz bo'layapti. Agar translyaciyalar bilan bog'liq bo'lsa, bizga bu kerak emas. O'yinning erta vaqtga qo'shilishi futbol o'ynashga qiyinchilik tug'diradi.

Davron Fayziev: "Bu o'yindagi durang biz uchun mag'lubiyatga teng"