Ushbu sahifada o'yinning natijasi va eng asosiy vaziyatlarni kuzatib borish mumkin.

YANGILASH

O'yin boshlandi. 17-daqiqada mehmonlar posboni bilan birga bir vaziyatga chiqib borgan Doston Ibragimov to'pni darvozabon ustidan oshirib, to'rga yo'lladi. Darvozaga kirib borayotgan to'pni "Loko" himoyachilari qaytarib qolishga erishishdi.

39-daqiqada Doston Ibragimov ikki himoyachi qurshovidan katta tezlikda qochib ketishga urindi va jarima maydonchasiga kirib kelib zarba berdi. Ilyosov jamoasini muqarrar goldan saqlab qoldi.

52-daqiqada Sardor Mirzaevning zarbasini mezbonlar posboni ushlab oldi.

59-daqiqada Totadzening qo'pol xatosidan keyin mehmonlar tezkor qarshi hujumga o'tishdi va Sardor Mirzaevning kuchli zarbasini Cheremisin egallab oldi.

61-daqiqada Doston Ibragimov darvozaga kuchli zarba yo'lladi. Raqib posboni to'pni qiyinchilik bilan qaytardi. Qaytgan to'pga birinchi bo'lib egalik qilgan Vacadzega nisbatan "Loko" himoyachilari qo'pollik ishlatishdi va bosh hakam penalti belgiladi. Lasha Totadze penaltidan gol urdi - 1:0.

90-daqiqada Ibrohim G'anixonov jamoasining hujumini gol bilan yakunladi - 1:1.

O'yinda 1:1 hisobi qayd etildi.

Coca-Cola Superligasi / 21-tur
1 oktyabr, seshanba
18:00 - QIZILQUM – LOKOMOTIV 1:1
Hakamlar: Hasan Ro'ziev (Toshkent), Olimjon Abduvosilov (Toshkent), Ravil Shoyaxmetov (Toshkent), Ilya Ilin (Buxoro)
Nazoratchi: Arslon Xotamov (Toshkent)
Komissar: Sardor Qudratullaev

Gollar: Lasha Totadze 61 penalti, - 1:0. Ibrohim G'anixonov 90, - 1:1.

"Qizilqum": Evgeniy Cheremisin, Alisher Sanoev, Lasha Totadze, Stiven Lustica (Sunnatilla Abdullajonov, 75), Muhsin Ubaydullaev, Sherali Jo'raev, Azizbek Usmonov, Ruslan Margiev, Vohid Shodiev, Mate Vatsadze, Doston Ibragimov (Sardor Jahonov, 88).
Zaxira: Artyom Makosin, Akmal Rustamov, Humoyun Abdualimov, Jahongir Husanov, Fayzullo Qambarov, Mirjalol Qosimov, Saidjamol Davlatjonov.

"Lokomotiv": Javohir Ilyosov, Anzur Ismoilov, Oston O'runov (Ibrohim G'anixonov, 73), Jamshid Iskanderov, Sardor Mirzaev, Islom To'xtaxo'jaev, Medina Smit (Diyorjon Turopov, 64), Yovan Jokich, Davronbek Hoshimov, Oleg Zoteev, Arslanmirat Amanov (Sherzod Karimov, 79).
Zaxira: Mamur Ikromov, Azizbek Amonov, Javohir Sohibov, Avazbek O'lmasaliev, Javohir Esonqulov, Igor Yelich.

Ogohlantirishlar: Oston O'runov 35, Azizbek Usmonov 37, Oleg Zoteev 47, Mate Vatsadze 82,

Coca Cola Superligasi. "Lokomotiv" Navoiyda durang o'ynadi