METALLURG – BUXORO
23 oktyabr 2020 yil. Bekobod. "Metallurg" stadioni. 16:00
Hakamlar: Olim To'ychiboev, Timur Galeev, Baxtiyorxo'ja Shavkatov, Ahmadjon Ergashev
Nazoratchi: Dmitriy Roman
Komissar: Sherzod Rajabov

"Metallurg" so'nggi 5ta turda hech kimga yutqazmadi - 2ta g'alaba, 3ta durang. "Buxoro" esa 8ta turdan buyon g'alaba qozona olmayapti - 4ta durang, 4ta mag'lubiyat.

Bu jamoalar hozirga qadar O'zbekiston chempionatida 45 marta to'qnash kelishgan. 21 bor "Metallurg", 18 marta "Buxoro" g'olib bo'lgan. Qolgan 6ta o'yinda durang qayd etilgan.

O'zaro o'yinlarda Bekobod klubi 63ta gol urgan, Buxoro klubi esa 59ta gol urgan.

Oxigi o'zaro to'rtta o'yinda "Buxoro" bu jamoani mag'lub eta olmagan - 1ta durang, 3ta mag'lubiyat. So'nggi bor "Metallurg" 2018 yilgi mavsumda bu jamoaga yutqazgandi.

Birinchi davrada "Metallurg" safarda "Buxoro" ustidan 4:1 hisobida g'alabaga erishgandi.

QIZILQUM – LOKOMOTIV
23 oktyabr 2020 yil. Navoiy. "Yoshlar" stadioni. 18:00
Hakamlar: Ilgiz Tantashev, Mahmud Turdiev, Feruz Dostonov, Komil Rasulov
Nazoratchi: Baxtiyor Namozov
Komissar: Sardor Qudratullaev

"Qizilqum" mezbon bo'lgan oxirgi 5ta o'yinda jamoa umuman yutqazmadi - 3ta g'alaba, 2ta durang. "Lokomotiv" esa so'nggi 6ta turda faqat bir marta mag'lub bo'ldi, qolgan o'yinlarda 4ta g'alaba va 1ta durang qayd etdi.

Bu jamoalar hozirga qadar O'zbekiston chempionatida 31ta o'zaro o'yin o'tkazishgan. 18 marta "temiryo'lchilar", 7 marta navoiyliklar g'olib bo'lishgan. Qolgan olti uchrashuvda durang qayd etilgan. So'nggi bor "Qizilqum" bu jamoani 2013 yilgi mavsumda mag'lub etgan. Shundan keyin o'tgan ketma-ket 13ta bahsda "Lokomotiv" Navoiy klubiga yutqazmay kelmoqda.

"Qizilqum" o'z maydonida o'tgan oxirgi 6ta o'yinda bu jamoani umuman yuta olmagan - 1ta durang, 5ta mag'lubiyat.

Birinchi davrada Toshkentda o'tgan bahsda "Lokomotiv" 3:0 hisobida g'alaba qozongandi.

Coca Cola Superliga. Bugun "Metallurg" o'z uyida "Buxoro" bilan o'ynaydi, "Lokomotiv" Navoiyda mehmon