Jamoalar hammasi bo'lib 91ta o'yin o'tkazishdi va 237ta gol urishdi. Hakamlar darvozalar tomon 41 marta 11 metrli jarima to'pi belgilashdi (o'rtacha bitta o'yinga 0,45tadan). Shundan 33tasi golga aylandi.

O'tgan mavsum 182ta o'yinda hakamlar 62 marta 11 metrli nuqtani ko'rsatishgan (o'rtacha bitta o'yinga 0,34tadan) va 51 marta gol urilgandi.

Birinchi davrada eng ko'p penaltini "Qo'qon-1912" futbolchilari tepishdi - 6 marta. "Andijon" va "So'g'diyona" 5 martadan penaltiga ega bo'lishdi. Ortda qolgan 13ta turda faqat "Mashal" klubi futbolchilari 11 metrli jarima to'pini amalga oshirishmadi. Penaltini aniq amalga oshirish bo'yicha "Nasaf" antirekord qayd etdi. "Ajdarlar" belgilangan 4ta penaltidan faqat bittasini golga aylantirishdi.

Penalti tepgan	Gol urilgan	Aniqlik %	Klub
6	5	83,33 %	Qo'qon-1912
5	5	100 %	Andijon
5	4	80 %	So'g'diyona
4	4	100 %	Paxtakor
4	4	100 %	Metallurg
4	1	25 %	Nasaf
3	2	66,67 %	Navbahor
3	2	66,67 %	AGMK
2	2	100 %	Surxon
2	1	50 %	Bunyodkor
1	1	100 %	Lokomotiv
1	1	100 %	Qizilqum
1	1	100 %	Buxoro
0	0	0 %	Mashal

Dastlabki davrada "Buxoro" darvozasi tomon eng ko'p penalti belgilandi - 8 bor. Keyingi o'rinda "Nasaf", "Surxon" va "Lokomotiv" klubi darvozalariga 4 martadan 11 metrli jarima to'pi belgilandi. Birinchi davrada faqat bitta klub - "Metallurg" darvozasi tomon ummuan penalti belgilanmadi.

Raqiblar penalti tepishgan	Gol urilgan	Aniqlik %	Klub
8	6	75 %	Buxoro
4	3	75 %	Nasaf
4	3	75 %	Surxon
4	2	50 %	Lokomotiv
3	3	100 %	Bunyodkor
3	3	100 %	Qizilqum
3	3	100 %	Qo'qon-1912
3	3	100 %	Andijon
3	2	66,67 %	Navbahor
3	2	66,67 %	Paxtakor
1	1	100 %	AGMK
1	1	100 %	So'g'diyona
1	1	100 %	Mashal
0	0	0 %	Metallurg

Ahrol Risqullaev va Temur To'xtasinov birinchi davrada eng ko'p penalti belgilagan hakam bo'lishdi - 6tadan. Sherzod Qosimov 5 marta penalti belgiladi. Dastlabki davrada ishlagan 17 nafar hakamdan faqat bir nafari penalti belgilamadi - Shavkat Nasibullaev.

Murod Xolmuhammedov ("Qo'qon-1912") va Jamshid Hasanov ("Andijon") birinchi davrada eng ko'p penalti tepgan futbolchi bo'lishdi - 5tadan. Ikkala futbolchi barcha penaltini golga aylantirishdi. Stanislav Andreev ("Metallurg") 4 marta, Dragan Cheran ("Paxtakor") 3 marta penalti tepib shuncha marta gol urishdi.

Birinchi davrada "Buxoro" posboni Zafar Safaev ikki marta penalti qaytarib bu borada birinchi bo'ldi. Javohir Ilyosov ("Lokomotiv"), Sanjar Quvvatov ("Paxtakor"), Mashhurjon Muhammadjonov ("Nasaf") va O'tkir Yusupov ("Navbahor") bir martadan 11 metrli jarima to'pidan keyin seyv ijro etishdi.

Coca Cola Superliga birinchi davra yakuni - penaltilar haqida