Xo'sh, Afrikaning ushbu davlati terma jamoasi haqida nimalarni bilishimiz kerak?

Burkina-Faso futbol Federaciyasi 1960 yilda tashkil topgan. 1964 yilda Afrika futbol Konfederaciyasi va FIFAga azo bo'lgan.

Burkina-Faso birinchi rasmiy o'yinni 1960 yilda Gabonga qarshi o'tkazib 5:4 hisobida zafar quchgan. Shu kunga qadar Jahon chempionatlari final bosqichida ishtirok etmagan.

Afrika millatlar kubogida 9 bor qatnashgan. Eng yaxshi natijasini 2013 yilda qayd etgan. JARda bo'lgan musobaqada terma jamoa finalga qadar etib borib Nigeriyaga yutqazib qo'ygandi - 0:1.

Ayni paytda Burkina-Faso terma jamoasi FIFA reytingida 73-pog'onada bormoqda. Eng yuqori o'rni 2010 yil oktbyar oyida qayd etilgan - 37. Eng past o'rin esa 1993 yil dekabirida kuzatilgan - 127.

2015 yildan buyon terma jamoani portugaliyalik Paulo Duarte boshqarib kelmoqda. Ushbu murabbiy 2008-2012 yillarda ham ushbu jamoada ishlagandi. 1969 yilda tug'ilgan ushbu murabbiy futbolchilik faoliyatini asosan Portugaliya klublarida ("Uniao Leyria", "Maritmu") o'tkazgan. Murabbiylik faoliyatida "Uniao Leyria" (Portugaliya), "Le Man" (Franciya) klublari va Gabon terma jamoasini ham boshqargan.

Terma jamoada mashhur futbolchilar juda ko'p. Ularning eng mashhurlari bilan tanishing:

Bakari Kone ("Lion"), Stiv Yago ("Tuluza"), Sharl Kabore ("Krasnodar"), Abdu Razoq Traore ("Konyaspor"), Jonatan Pitroypa ("Al Nasr"), Alain Traore ("Loryan"), Bertrand Traore ("Chelsi"), Jonatan Zongo ("Almeriya").

Ayni paytda Burkina-Faso terma jamoasi 2017 yilgi Afrika Millatlar kubogi saralashida ishtirok etmoqda. Jamoa o'z guruhida 10 ochko Uganda bilan birga peshqadamlik qilmoqda. Burkina-Faso guruhdagi so'nggi o'yinni 3 sentyabr kuni o'z uyida Botsvanaga qarshi o'tkazadi.

Narzulla Saydullaev tayyorladi

Burkina-Faso terma jamoasi haqida nimalar bilishimiz kerak?