Xorvatiya va Ispaniya terma jamoalari bir necha soatdan so'ng musobaqadagi ishtirokini boshlaydi. Mazkur uchrashuvdan oldin Xorvatiya terma jamoasi bilan 2012 yilgi Evropa chempionatida ishtirok etgan Yurica Bulyatning fikrlari bilan qiziqdik. Bulyat 2016 yil "Bunyodkor", 2017 yil bir davra "Paxtakor" sharafini himoya qilgan.

- Birinchi o'yin Ispaniyaga qarshi bo'ladi. Dastlabki o'yin doim qiyin o'tadi. Lekin men o'zimizning terma jamoadan yaxshi o'yin kutyapman. Kuchli jamoalarga qarshi doim yaxshi o'yin ko'rsatib kelganmiz. Birinchi o'yinda munosib natija qayd etishimizga umid qilaman. Albatta, mo'jiza ko'rsata olamiz. Tarkibimizda saralangan futbolchilar bor. Shu bilan birga yaxshi yosh futbolchilarni ham uchratishimiz mumkin. Gvardiol, Livakovich, Suchichni misol keltirishim mumkin. Luk Suchich "Zalsburg"da o'ynaydi.

- Zlatko Dalich juda yaxshi murabbiy. U oxirgi 6 yil ichida zo'r natijalar ko'rsatdi va hozirda mamlakatimiz qahramoni. Terma jamoamiz bitta oilaga aylana olgan. Motivaciya katta. Xuddi shu narsani Evro-2012da his qilganman. Biz o'zi kichkina va kam aholiga ega mamlakatmiz. Shunga qaramay ko'pchilikning mehrini his qilamiz.

- Albatta, O'zbekistonda do'stlarim bor. Bir yarim yil davomida "Bunyodkor" bilan OCHLda o'ynaganman . Keyin "Paxtakor"ga o'tdim. Bazida "Paxtakor" va "Bunyodkor"ning natijalarini ko'rib turaman. Oxirgi 4-5 yilda "Bunyodkor" yaxshi natija ko'rsata olmayapti. Nima yuz berganini bilmayman. "Paxtakor" oxirgi 5 yilda kuchli ekanligini ko'rsatdi. Infratuzilma yaxshilanyapti. Umid qilamanki, yana O'zbekistonga kelaman.

- Yoshko Gvardiol haqida gapirishni unutdim. U hozirda dunyodagi eng yaxshi himoyachilardan biri. Uning yoshiga qarang, o'ziga ishonchi baland. Haqiqiy mashina. Mamlakatimizda zo'r futbolchilar bor. Xudoga shukur, iqtidorlar ko'p. Kichkina mamlakatda 3,5 million aholimiz bor. Modrichga ortiqcha tarif kerakmas. Modrich "Real"da o'ynamoqda. U haqida ko'p maqtovlar eshitamiz. 39 yoshida "Real" afsonasiga aylanib bo'ldi. Uni yana Evropa chempionatida ko'rishimizdan xursandmiz. O'ylaymanki, bizdan baribir yana yangi Modrich chiqadi.

"Bunyodkor" va "Paxtakor"ning sobiq legioneri Yurica Bulyat: "Xorvatiya yana mo'jiza ko'rsata oladi"