Myunxenda "Bavariya" mehmoni bo'lgan "Borussiya" Myonxengladbax Manuel Noyer darvozasiga javobsiz uchta to'p yo'lladi. Plea, Lars Shtindl va Xermannning gollari Diter Xekking jamoasiga g'alabani taqdim etdi. Natijada myonxengladbaxliklar turnir jadvalida "Bavariya"ni quvib o'tishni uddalashdi.

Niko Kovach jamoasi esa turnir jadvalida 5-o'ringa tushib ketdi. Agarda ertaga "Leypcig" "Nyurnberg"ni mag'lub etishni uddalasa, unda Kovach boshqaruvidagi "Bavariya" "kuchli-beshlik"ni ham tark etadi.

Shu tariqa "Bavariya" jamoasi FIFA kuni munosabati bilan bo'ladigan kichik tanaffusga peshqadamlar safini tark etgan holda chiqib ketmoqda.

Shuni qayd etish joizki, "Bavariya" Kovach qo'l ostida dastlabki 7 o'yinni g'alaba bilan boshlab, oxirgi 4 uchrashuvdan buyon g'alaba qozona olmay kelmoqda. Jamoa o'z uyidagi oxirgi 7 bellashuvdan buyon gol o'tkazib yubormoqda. Bunday holat so'nggi bor 10 yil ilgari kuzatilgandi.

Shuningdek, "Bavariya" oxirgi yillarda Bundesligada eng ko'p ochkoni aynan Myonxengladbaxning "Borussiya"ga qarshi o'yinda yo'qotmoqda. Bu gal ham ushbu holat takrorlandi.

Bundesliga, 7-tur.

Bavariya – Borussiya M 0:3 (0:2, 0:1)

Alyanc-Arena

Gollar: 0:1 – 10 Plea, 0:2 – 16 Shtindl, 0:3 – 88 Xerrmann.

Bavariya – Noyer, Zyule, Alaba (Sanshesh, 55), Kimmix, Xummels, Robben (Riberi, 46), Alkantara, Goretcka, Xames, Levandovski, Myuller (Gnabri, 46).

Borussiya M –Zommer, Ginter, Vendt, Lang, Elvedi, Xofmann, Kramer, Noyxaus (Xerrmann, 74), Azar (Traore, 83), Plea, Shtindl (Zakariya, 66).

Ogohlantirishlar: Riberi (56), Xofmann (78), Zakariya (90), Xames (90).

Bundesliga: "Bavariya" o'z uyida tor-mor etildi, jamoa "kuchli uchtalik"dan uloqtirildi