Biroz oldin xorijlik mutaxassislarning fikrlarini etiboringizga havola qilgan edik. "Paxtakor" tarkibida yulduzli onlarini o'tkazgan Boyan Miladinovich ham o'z taxminlari bilan o'rtoqlashdi.

- Albatta o'yinni tomosha qilaman. Chunki O'zbekistonda bugun futbol bayrami. Mamlakatning eng yaxshi ikki jamoasi maydonda uchrashadi. "Paxtakor" safida o'ynagan vaqtlarimda "Navbahor"ga qarshi qiyin o'yinlar o'tkazar edik. Ayniqsa 2014 yil uyda ham, safarda ham qiynalganmiz. Birinchi davrada 2:1 hisobida g'alaba qozondik, so'nggi daqiqada g'alaba golini urganim esimdan chiqmaydi. Qizig'i Namanganda ham shunday bo'ldi, hakam tomonidan qo'shib berilgan daqiqada penaltidan gol urdim. Bu biz uchun o'sha mavsumdagi eng murakkab uchrashuv edi. Shundan so'ng chempion bo'lishimizga shubham qolmagan.

- Bugungi kunga to'xtaladigan bo'lsam, "Navbahor" so'nggi o'yinda Bekobodda durang qayd etdi. "Qizilqum"ni mag'lub etdi. "Paxtakor" "Neftchi"ga mag'lub bo'ldi, undan avval kubokni tark etdi. Chempionat borgan sari qiziqarli tus olyapti. Oxirgi turgacha kurash davom etadi. Fikrimcha "Paxtakor" va "Navbahor" chempionlik uchun so'nggi turgacha kura olib borishadi. Qolaversa, "Neftchi"ni ham unutmaslik lozim. Vitaliy Levchenko "Neftchi"da o'yin sifatini yaxshilay oldi va o'z imkoniyatini kutmoqda. Ular hali yutqazgani yo'q.

- "Navbahor" bugun favorit, jamoa o'z maydonida o'ynaydi. Yuz foiz ishonamanki, stadion muxlislar bilan to'ladi. "Paxtakor" zaxira o'rindig'ida Maksim Shackix o'tirmaydi ("Neftchi" bilan uchrashuvda qizil kartochka olgan). Bu o'z tasirini o'tkazmay qolmaydi. Raqib zaxira o'rindig'ida Samvel Babayan o'tiradi. Ushbu murabbiy bunday o'yinlarda qanday o'ynash kerakligini, futbolchilarni qanday tayyorlashni yaxshi biladi. O'ylashimcha, vaziyatlar ko'p bo'lmasa kerak. Kim maydon markazini o'ziniki qila olsa, o'sha jamoa yutadi. Ammo bugun "Navbahor" favorit, 60/40.

"Samvel Babayan bunday uchrashuvlarga jamoani qanday tayyorlashni biladi" - Boyan Miladinovich yana nimalar dedi?