O'zPFL, 21-tur
“Nasaf” (Qarshi) - “Lokomotiv” (Toshkent)
16.09.2017. “Markaziy” stadioni. Soat 18:45da
Bosh hakam: Ilgiz Tantashev (Toshkent)
Yordamchi hakamlar: Husniddin Shodmonov (Buxoro), Abdurahmon Qo'ldoshev (Buxoro)
Zaxira hakami: Elyor Tursunov (Buxoro)
Nazoratchi: Igor Nexochin (Namangan)
O'zPFL vakili: Bobur Haydarov.

Bu uchrashuvning ahamiyati juda yuqori. “Nasaf” qanday bo'lmasin g'alaba qozonishi kerak. Bugun har ikkala jamoa uchun qiyin uchrashuv bo'lishini oldindan taxmin qilish mumkin.

Ammo “Nasaf” uchrashuvni o'z maydonida o'tkazadi. Bu ozgina bo'lsada jamoaga kuch va ruh bag'ishlaydi.

Buni quyidagi natijalar ham aytib turibdi.

Mazkur jamoalar Qarshida shu paytgacha 12 marta o'zaro kuch sinashganlar. Bu uchrashuvlarning 8tasida qarshiliklar g'alaba qozongan, 3 uchrashuvda “Lokomotiv”ning qo'li baland kelgan, qolgan 1 uchrashuvda durangga imzo chekilgan. Qarshidagi o'zaro uchrashuvlarda jami darvozalarga 39ta to'p kiritilgan, to'plar nisbati - 24-15ni tashkil etmoqda. Demak, to'plar nisbati bo'yicha ham ustunlik "Nasaf" tomonida.

“Nasaf” so'nggi bor “Lokomotiv”ni Qarshida 2015 yili kichik 1:0 hisobida mag'lubiyatga uchratgan. “Lokomotiv” jamoasi o'tgan yilgi Qarshidagi uchrashuvda 2:1 hisobida “Nasaf”dan ustun kelgan.

Qarshidagi so'nggi besh uchrashuv natijalari.
2016 yil. “Nasaf” - “Lokomotiv” 1:2
2015 yil. “Nasaf” - “Lokomotiv” 1:0
2014 yil. “Nasaf” - “Lokomotiv” 2:5
2013 yil. “Nasaf” - “Lokomotiv” 2:1
2012 yil. “Nasaf” - “Lokomotiv” 0:2

Ishonamizki, bugungi markaziy uchrashuvda klub muxlislari har qachongidan faol bo'lishadi va “ajdarlar”ning safida 12-o'yinchi bo'lib, elkama-elka turishadi.

“Markaziy”dagi markaziy uchrashuvga marhamat qiling!

Bugun “Markaziy”da markaziy uchrashuv