Йил бошидан бери 139 ўйин ўтказилди. Турнир жадвалига эътибор қаратсак, энг кўп ғалаба "Пахтакор"нинг номи ёзилган қаторда турибди (1). Энг ками эса дебютант "Турон"да (2). Мағлубиятлар борасида "Сурхон" ва "Металлург" "етакчилик" қилмоқда (13), энг кам енгилган яна "Пахтакор" (1).

Урилган ва ўтказиб юборилган голлар бўйича яна ўша жамоа етакчи — 35:8 (+27). Бу борадаги энг ёмон натижа "Сурхон"да — 10:32 (-22). Собиқ футболчилари урилаётган бир пайтда Термиз клуби рақиблар дарвозасига гол уришни ҳам ўрганиб олса, ёмон бўлмасди.

Энг узоқ пайтдан бери ғалаба қозонолмаётган жамоа — "Қизилқум" (7 ўйин). Ҳамиджон Актамов шогирдларининг сўнгги 3 очкоси 13-турда Бекободда қайд этилган эди (13-тур). Бу ўша ғалабага 2 ой тўлди. Бу муддатда ўтган 7 турда Навоий клуби 21 очколик имкониятдан 5 олди.

Энг кўп вақтдан бери мағлубиятли серия намойиш қилаётган жамоа — "Турон" (5 ўйин). Игор Шквирин шогирдлари сўнгги бор 14 август куни (15-тур) мағлубиятсиз ўйин ўтказишганди ("Сўғдиёна" - 1:0).

Энг кўп вақтдан бери давом этаётган мағлубиятсиз серия — "Навбаҳор" (6 ўйин). Наманган клуби сўнгги бор 8 август куни "Сўғдиёна"га имкониятни бой берган эди (14-тур, 1:0).

Энг узоқ вақтдан бери ғалаба қозониб келаётган жамоа — "Насаф" (3 ўйин).

Узоқ вақтдан бери давом этаётган голли серия — "Қўқон-1912" (7 ўйин). Бахтиёр Ашурматов шогирдлари сўнгги бор 12 май куни "Пахтакор" билан ўйинни "қуруқ" ўтказишган эди.

Энг узоқ вақтдан бери дарвозаси даҳлсизлигини ушлаб турган жамоа — "Навбаҳор". Ўткир Юсупов сўнгги бор 8 август куни "Сўғдиёна" билан ўйинда гол ўтказган эди (Шоҳруз Норхоновдан).

"Қўқон-1912" неча йилдан бери "Пахтакор"ни енголмаяпти?

Бу қизиқ! Суперлигада давом этаётган сериялар