"Kort" klubining qiziq jihati u Korsika oroli sharafini himoya qilishidadir. Korsikanlar o'zlarini to'liqligicha francuz hisoblashmaydi. Ularda italyan tiliga yaqin bo'lgan kuchli laxcha bor. Kimdir umuman francuz tilini rad etgan holda italyan tilida gapiradi. Masalan, taniqli francuz imperatori Napoleon Bonapart korsikan bo'lgan. U bolaligida italyan tilida gapirgan va 10 yoshni qarshi olganida francuz tilini o'rganishni boshlagan.

Shuningdek, "Kort" futbol klubining juda qiziqarli emblemasi bor, u Korsikaning boshqa bir klubi "Ayachcho"nikiga o'xshab ketadi. Qiziqarlisi, "Kort" o'zining taniqliroq "ukasi"dan ikki yilga katta (klublar 1908 va 1910 yillarda tashkillashtirilgan). "Kort" uzoq vaqt havaskor darajada Korsika hududiy chempionatida o'ynagan. Klub faqatgina 2020 yilga kelib yuqoriga odimlay oldi.

Korsika klubi o'zining kamtarona statusiga qaramay, "Nicca"ga jang taklif qildi. Asosiy vaqt 1:1 hisobidagi durang bilan yakunlandi. Shu bilan birga, "Kort" 11-daqiqada hisobni ochdi, "Nicca" esa bitta kam bo'lib ikkinchi bo'limda hisobni tenglashtirdi. O'yin taqdirini penaltilar seriyasi hal qildi va unda "Nicca" (6:4) omadliroq chiqdi.

"Kort" Franciya kubogidan Liga 1 vakilini chiqarib yuborishga yaqin edi va bunda 35 yoshli darvozabon Jak-Andre Lyusianining xizmatlari katta. U SofaScore statistik portali malumotlariga ko'ra 16ta seyv qayd etgan!

Lyusiani hech qachon yuqori darajada o'ynamagan, uning asosiy ishi "A La Pasta Corte" deb nomlanadigan oilaviy restoranda oshpazlik. Jak-Andre katta ehtimol bilan yaxshi tayyorlaydi: TripAdvisor saytida restoranning bahosi 4,5. U erda asosan italyan oshxonasida taomlari tortiladi.

Francuz matbuoti Jak-Andrening ishtirokini qayd etdi. Hattoki "Nicca" rasmiy sayti uni "to'xtatib bo'lmas" deya atagan holda darvozabonga "respekt" aytdi. "Corse Matin" korsikan sayti Lyusianini "bahaybad" deb atadi. Lyusiani SofaScore talqiniga ko'ra olish mumkin bo'lgan eng yuqori bahoni oldi – 10,0.

Oshpaz darvozabonning o'yindagi harakatlarini albatta tomosha qiling:

Beshinchi divizion klubi Franciya kubogida sensaciya qayd etdi. Bosh qahramon - 35 yoshli oshpaz darvozabon