Jamoalar hozirga kelib 9 tadan uchrashuvlar o'tkazib ulgurishdi. Biroq PFL oldidagi majburiyatlarini hamon to'la bajarmay kelayotgan klublar ham yo'q emas.

Jumladan, “Ittifoq Buxoro” klubi haligacha badal pulini to'lab ulgurgani yo'q.

Professional futbol ligasi Sport musobaqalarini o'tkazish va klublarni nazorat qilish boshqarmasi yuqoridagi klublarga mazkur masalani yaqin vaqt ichida hal etish uchun ogohlantirish xati yuborgan edi. Biroq klub tomonidan zarur harakat amalga oshirilmadi.

Shu sababdan bugungi B Pro-liga 10-turi doirasidagi “G'ijduvon”ga qarshi bahsda “Ittifoq Buxoro” klubiga texnik mag'lubiyat yoziladi.

Qayd etish joiz, B Pro-liga 9-turi doirasidagi “Zomin” bilan o'yinda ham mazkur klubga texnik mag'lubiyat yozilgan edi.

Natijada “Ittifoq Buxoro” jamoasi hisobidagi texnik mag'lubiyatlar soni 2 taga etdi va endi klubni B Pro-liga bahslaridan chetlatish masalasi ko'rib chiqiladi.

Shuningdek, “Ittifoq Navoiy” klubi ham haligacha badal pulini to'lab ulgurgani yo'q.

Professional futbol ligasi Sport musobaqalarini o'tkazish va klublarni nazorat qilish boshqarmasi yuqoridagi klublarga mazkur masalani yaqin vaqt ichida hal etish uchun ogohlantirish xati yuborgan edi. Biroq klub tomonidan zarur harakat amalga oshirilmadi.

Shu sababdan bugungi B Pro-liga 10-turi doirasidagi “Ittifoq Navoiy” – “Orol” o'yinda Navoiy klubiga texnik mag'lubiyat yoziladi.

B PRO-liga. PFL bir yo'la ikki klubga texnik mag'lubiyat yozdi