Qiziqarli kechgan uchrashuvda Avazbek O'lmasalievning dubli, Xurshid G'iyosovning penaltidan urgan goli "Bunyodkor"ga g'alaba keltirdi. Maydon egalarining uchta goliga, "Surxon"dan Murod Bobojonov bitta to'p bilan javob qaytardi. Mazkur bahsdan so'ng dubl muallifiga aylangan Avazbek O'lmasalievning fikrlari bilan qiziqdik.

- O'yin haqida...

- Maydonda nimalar bo'lganini hamma ko'rdi. Oson o'yin bo'lmasligini bilardik."Surxon"ning o'yini mavsum boshiga qaraganda yaxshi tomonga o'zgargan. Superligada qolish uchun borlarini berishlari aniq edi.

-" Bunyodkor" ayni paytda tarixdagi eng yomon natijasini qayd etmaslik, yani 4 o'rin kurashmoqda. "Surxon" esa Superligada qolish uchun. O'yinning muximliligi yana nimada edi?

- Ikki jamoaga ham g'alaba kerak edi, deya olaman. Aytganimdek, raqib elitada qolish uchun astoydil harakat qilmoqda.

- Ushbu bahsda dubl qayd etdingiz va Superligada gol urgan himoyachilar qatoriga qo'shildingiz. Golni kimga bag'ishladingiz?

- Ikkita golni ikki kishiga bag'ishladim, desam mubolag'a bo'lmaydi. Jamoadoshimiz Abdulla Abdullaev yaqinda qiz farzandli bo'ldi. Birinchi navbatda ota-onamga bag'ishladim. Ikkinchisini Abdulla Abdullaevga.

- Oldinda jamoani "Paxtakor" ga qarshi ketma-ket ikkita juda qiyin o'yin kutib turibdi. Hozirdanoq "Paxtakor" ni favoritga chiqarib qo'yishayotganiga munosabatingiz qanday? "Bunyodkor" maydonda buni aksini isbotlay oladimi?

- Avvalambor hammasi xudodan. Nasib qilsa g'alaba uchun bor kuchimizni ishga solamiz. O'zbekiston kubogida g'olib chiqish vazifasi qo'yilgan. Hamma narsa maydonda hal bo'ladi.

Abdulaziz Iskandarov yozib oldi

Avazbek O'lmasaliev: "Ikkita golimni, ikki kishiga bag'ishladim"