Ushbu turdan “Everton” – “Manchester Yunayted”, “Tottenxem” - "Vulverxempton" kabi qiziqarli ushrashuvlar o'rin olgan.

29.02 20:00 (Toshkent vaqti) “Bornmut” - "Chelsi"

"Bornmut" oxirgi o'yinlarda ishonchsizroq o'yin ko'rsatdi, "Chelsi" esa aksincha.

Mezbonlar Premer-ligada so'nggi 16 uchrashuvidan faqat 3 tasida yutuqqa erishganlar.

Mutaxassislar Lempard shogirdlariga "Din Kort" o'yingohida oson bo'lmasligini bashorat qilishmoqda.

Tarkiblar bo'yicha

"Bornmut" yarim himoyachisi Jefferson Lerma o'tgan turda "Byornli"ga qarshi o'yinni belidagi jarohati bois o'tkazib yuborgandi. Ushbu turda ham uning ishtirok etishi so'roq ostida.

Eddi Xau 5-6 o'yinchi xizmatidan foydalana olmaydi (jarohat).

Himoyachilar Stiv Kuk va Diego Riko asosiy tarkibdan joy olishga intilishmoqda.

Malumotlarga qaraganda Temmi Abraxam yana jarohatlangan.

O'tgan turda Ruben Loftus-Chik va nihoyat hech bo'lmasa zaxirada bor edi.

Kristian Pulishich va Kallum Xadson-Odoi bahsni o'tkazib yuboradi.

Fikayo Tomori va Villian asosiy tarkibda maydonga tushishni xohlayapti.

Ananaga ko'ra, Kepa Arrisabalaga yana zaxirada qoldiriladi.

O'yinga oid faktlar:

- "Bornmut" ishtirokidagi oxirgi 7 o'yinda o'rtacha 2 ta gol kiritilgan (Premer-liga).

- "Chelsi" so'nggi 5 o'yinda faqat 1 marta g'alaba qozongan (Premer-liga).

Taxminiy tarkiblar

"Bornmut" (4-3-3): Ramzdeyl, Smit, Kuk, Ake, Riko, Gosling, Serman, Billing, King, K. Uilson, X. Uilson

"Chelsi" (4-3-3): Kabalero, Jeyms, Zuma, Ryudiger, Aspilikueta, Maunt, Jorjino, Kovachich, Pedro, Villian, Jiru

Jamoalarning jarohatlangan futbolchilari: Kelli, Deniels, Mefam, Bruks (“Bornmut”), Kante, Van Ginkel, Pulishich ("Chelsi")

So'roq ostida: Lerma (“Bornmut”), Loftus-Chik, Xadson-Odoi, Abraxam ("Chelsi")

29.02 22:30 “Uotford” - "Liverpul"

"Uotford" Premer-ligada o'tkazgan so'nggi 5 bahsida g'alaba nimaligini bilmay kelmoqda.

"Liverpul" ligada hali umuman mag'lubiyatga uchramadi. Ular Vikarij Roud stadioniga g'alaba uchun kelishlari aniq.

Statistikaga ko'ra, "Liverpul"ga qarshi kechgan oxirgi 4 o'yinda gol ura olmagan.

Tarkiblar bo'yicha

Ismaila Sarr mashg'ulotlarga kirishgani murabbiylarni xursand qilmoqda.

Naqd uchta himoyachi jarohatda: Deril Yanmat, Kreyg Douson, Fransisko Femeniya.

"Liverpul" sardori Jordan Xenderson jarohatlangan. Taxminan mart oyi o'rtalarida safga qaytadi.

Aleks Oksleyd-Chemberlen shanba kuni asosiy tarkibda o'yinga tushmoqchi.

Hujumdagi trio (Mane, Salah, Firmino) o'zgarmaydi.

O'yinga oid faktlar:

- "Liverpul" oxirgi 18 o'yinda yutgan (Premer-liga).

- "Liverpul" so'nggi 36 uchrashuvidan 31 tasida kamida 2 ta gol urgan (Premer-liga).

- "Liverpul" barcha musobaqalar doirasida "Uotford" bilan so'nggi 8 o'yindan 7 tasida halaba qozongan.

- "Uotford" oxirgi 5 o'yinda raqib jamoalarni enga olmagan (Premer-liga).

Taxminiy tarkiblar

"Uotford” (4-2-3-1): Foster, Mariappa, Kabasele, Katkart, Mazina, Xyuz, Kapu, Sarr, Dukure, Deulofeu, Dini

"Liverpul" (4-3-3): Alisson, Arnold, Gomes, Van Deyk, Robertson, Chemberlen, Fabino, Veynaldum, Mane, Firmino, Salah

Jamoalarning jarohatlangan futbolchilari: Douson, Yanmat, Femeniya (“Uotford”), Milner, Xenderson ("Liverpul)

So'roq ostida: Klayn, Shakiri ("Liverpul")

01.03 19:00 “Everton” - "Manchester Yunayted"

"Everton"ning mag'lubiyatsiz seriyasi o'tgan dam olish kunlarida "Arsenal"ga 3:2 hisobida yutqazilgan o'yinida yakun topdi. Endi ular "Manchester Yunayted"ga to'ynqsh kelishmoqda. Navbatdagi raqiblar - "Chelsi" va "Liverpul". Shunchaki dahshat!

"Manchester Yunayted" barcha turnirlarda so'nggi 7 o'yinda mag'lub bo'lmayapti. Shu vaqt davomida ular 18 ta gol urib, 1 ta o'tkazib yubordilar.

MYU uchun Gudison Park maydoni bosh og'riq ekanligini inobatga olsak, bizni oldinda dahshatli to'ynashuv kutib turibdi.

Tarkiblar bo'yicha

Andre Gomesh uzoq muddatli jarohatdan keyin safga qaytgan.

Lyuka Din bu gal maydonda ko'rinish berishi mumkin.

Meyson Xolgeyt va Maykl Kin asosiy tarkib uchun o'zaro kurashadi.

Sheymus Koulman va Jibril Sidibe o'ng qanot himoyasi uchun raqobatlashadi.

Antoni Marsyal mashg'ulotlarda shikastlangani bois Gudison Parkda maydonga tushishi aniq emas.

Odion Igalo MYU uchun dastlabki golini urdi va u uchun ligada 90 daqiqa o'ynash vaqti keldi.

Meyson Grinvud o'yinni boshlang'ich tarkibda boshlashi kutilyapti.

Asosiy savol: bu o'yinda Sulsher uch himoyachi bilan o'ynaydimi yoki to'rt himoyachi xizmatidan foydalanadimi? Barchasini martning birinchi kunida bilib olamiz.

O'yinga oid faktlar:

- "Manchester Yunayted" oxirgi 3 o'yinda gol o'tkazib yubormadi (Premer-liga).

- "Everton" so'nggi 4 bellashuvda kamida 2 ta gol urgan (Premer-liga).

- MYU barcha turnirlar doirasida "Everton" bilan oldingi 11 o'yindan 10 tasida mag'lub bo'lmagan.

- "Irislar" so'nggi 6 uy uchrashuvida yutqazmagan (Premer-liga).

Taxminiy tarkiblar

"Everton” (4-4-2): Pikford, Koulman, Mina, Xolgeyt, Din, Ivobi, Gomesh, Delf, Sigurdsson, Kalvert-Lyuin, Richarlison

"Manchester Yunayted" (3-4-1-2): De Xea, Lindelyof, Maguayr, Shou, Uan-Bissaka, Fred, Maktominey, Uilyams, Fernandesh, Grinvud, Igalo

Jamoalarning jarohatlangan futbolchilari: Gbamen, Shnederlen ("Everton"), Grant, Fosu-Mensa, Pogba, Rashford ("Manchester Yunayted")

So'roq ostida: Din, Uolkott ("Everton"), Tuanzebe, Marsyal ("Manchester Yunayted")

01.03 19:00 “Tottenxem” - "Vulverxempton"

"Tottenxem" "Leypcig" va "Chelsi"ga mag'lub bo'lganiga qaramay, o'z uyidagi 7 o'yindan 5 tasida g'alabaga erishganini unutmaslik lozim.

"Bo'rilar" safardagi uchrashuvlarda yomon natija ko'rsatadi, g'ar g'olda statistika shuni ko'rsatmoqda.

Tottenxem Xotspur stadionidagi o'yin dahshatli kechishiga shubha yo'q.

Tarkiblar bo'yicha

Himoyachi Rayan Sessenonning holati nomalum.

Shuningdek, mezbonlar Xuan Foyt, Mussa Sissoko, Son Xyn Min va Garri Keynsiz qolgan.

Mour himoya markaziga Alderveyreld-Sanches juftligini tushiradi.

Stiven Bergveyn asosiy tarkibda to'p tepishi kutilmoqda.

Nunu Eshpiritu Santu jamoasida yagona jarohatdagi o'yinchi - bu Xoni.

Ruben Vinagre chap qanotdan joy egallashi kutilyapti.

Adama Traore asosiy tarkibda o'ynamasligi ham mumkin.

Hujumda esa Ximenes va Jota harakatlanadi.

O'yinga oid faktlar:

- "Bo'rilar" oxirgi 3 o'yinda "quruq seriya" qayd etmoqda (Premer-liga).

- "Tottenxem" barcha musobaqalarda "bo'rilar"ga qarshi oxirgi 3 o'yinda kamida 2 ta gol o'tkazib yuborgan.

Taxminiy tarkiblar

"Tottenxem" (4-4-2): Loris, Ore, Alderveyreld, Sanches, Devis, Alli, Uinks, Lo Chelso, Lamela, Bergveyn, Moura

"Vulverxempton" (3-5-2): Patrisiu, Saiss, Koudi, Boli, Doerti, Dendonker, Nevish, Moutinyu, Vinagre, Jota, Ximenes

Jamoalarning jarohatlangan futbolchilari: Foyt, Sissoko, Son, Keyn ("Tottenxem"), Xoni ("Vulverxempton")

So'roq ostida: Sessenon ("Tottenxem")

Shuningdek, bu turda quyidagi bahslar bo'lib o'tadi:

29.02 01:00 "Norvich” - “Lester”

29.02 17:30 "Brayton” - "Kristal Pelas"

29.02 20:00 "Nyukasl" - “Byornli”

29.02 20:00 "Vest Xem” - “Sautgempton”

Liga Kubogi finali (“Manchester Siti” – “Aston Villa”) bilan bir kunga to'g'ri kelib qolgani uchun “Aston Villa” – “Sheffild Yunayted” hamda “Manchester Siti” – “Arsenal” uchrashuvi qoldirilgan.

Sherzod Nurmatov tayyorladi.

APL. 28-tur o'yinlari uchun prevyu