O'yin haqida

Bugun ajoyib stadionda mana shunday to'qnashuv bo'lishini kutgandik. Har ikki jamoa keskin kurashlarga boy o'yin ko'rsatdi.

AGMK chempionat etakchilaridan biri va bunga haqli o'rinda bormoqda. Biz o'z vaziyatlarimizdan birini golga aylantira oldik. Darhaqiqat, AGMKda ham etarlicha yaxshi vaziyatlar bo'ldi.

Bugungi g'alabamizni marhum direktorimizga bag'ishlaymiz.

Ayni paytda shifoxonada bo'lib turgan jamoamiz mamuri Ravshanga sog'liq tilaymiz.

Fursatdan foydalanib, klubimizning fidoyi shifokorlariga ham rahmat deymiz.

Shahzod Ubaydullaev va Doniyor Narzullaev nega birinchi bo'limda maydonga tushmadi va zaxirada qoldirildi?

Shahzod va Doniyor 16 tur to'liq o'ynashdi. Doniyor Olmaliqda o'ynamagandi, Shahzod esa deyarli hamma o'yinda to'liq qatnashdi. Uni avaylashimiz kerak, chunki uning kichik jarohati bor edi.

"Metallurg"ning o'yinidan kelib chiqib aytsak, jamoa kuchli 3 likka kira oladimi?

Hali oldina 9-10 tur bor. Keling, 20-dekabrgacha etib boraylik. Biz bu uchun qo'limizdan kelganicha harakat qilamiz va bu yo'lda astoydil mehnat qilamiz.

Andrey Shipilov: "Bugungi g'alabamizni marhum direktorimizga bag'ishlaymiz"