Bu haqida jamoa bosh murabbiyi Xabi Alonso ma'lum qildi, deya mutaxassis so'zlaridan iqtibos keltiradi ESPN.
Shanba oqshomida "Real" o'z maydonida "Vilyarreal"ni (3:1) mag'lubiyatga uchratdi. Uchrashuv yakunlanishiga oz qolganida Mbappe uchinchi golga mualliflik qildi va oradan bir necha daqiqa o'tib, zaxiraga olindi.
"Kilianda to'pig'i bilan muammo mavjud", - dedi Alonso. - U Fransiya terma jamoasi yig'iniga bormaydi, deya olmayman. Hozir u og'riq his qilmoqda. U ushbu masalani terma jamoadagilar bilan ham muhokama qilib olishi zarur".
"Marca" nashri takidlashicha Mbappe o'ng oyog'i to'pig'idan jarohat olgan, shunga qaramay, u Fransiyaning JCH-2026 saralashidagi uchrashuvlariga yo'l olishi mumkin. Fransiyaliklar o'z uyida Ozarbayjonga qarshi (10 oktyabr) va safarda Islandiyaga qarshi (13 oktyabr) maydonga tushadi.
